09.09.2020 - განათლების სამინისტრომ ახალი გეგმა დაამტკიცა იმ სკოლებისთვის, რომლებიც დისტანციური მეთოდის გამოყენებას გეგმავენ. დოკუმენტის მიხედვით, რეკომენდებულია დღეში არაუმეტეს 3 გაკვეთილი.
09.09.2020 - სამცხეში "ევროპული საქართველოს" მაჟორიტარი დეპუტატობის კანდიდატის, ზურა ჩილინგარაშვილის განცხადებით, ახალციხის რაიონულ ორგანიზაციას ზურა სადათიერაშვილი უხელმძღვანელებს.
09.09.2020 - განათლების მინისტრის ბრძანების მიხედვით, უმაღლეს საგანმანათლებლო დაწესებულებებში სწავლა არადისტანციურად წარიმართება. უნივერსიტეტების ადმინისტრაციები ვალდებული არიან დაიცვან მთავრობის მიერ შემუშავებული რეკომენდაციები.
09.09.2020 - ერთიანი ეროვნული გამოცდების შედეგებით ჩარიცხულ 13 კატეგორიის სტუდენტის სწავლას სახელმწიფო დააფინანსებს. ამისათვის სტუდენტები ონლაინ უნდა დარეგისტრირდნენ.
09.09.2020 - უწყებათაშორისი საბჭოს გადაწყვეტილებით, სკოლებში საზეიმო ღონისძიებები გაუქმდება, ამის შესახებ პრემიერ–მინისტრის აპარატის ხელმძღვანელმა, ნათია მეზვრიშვილმა განაცხადა.
09.09.2020 - მთავრობის გადაწყვეტილებით, სპორტულ და კულტურულ ღონისძიებებში 200 ადამიანზე მეტის მონაწილეობა იკრძალება და ამ რეგულაციის დარღვევის შემთხვევაში, სანქციები მოქმედებს, თუმცა ამავე რაოდენობის ადამიანების საარჩევნო აგიტაციაში მონაწილეობა არ იკრძალება.
09.09.2020 - საკოორდინაციო საბჭოს გადაწყვეტილებით, თეატრები და კინო თეატრები, ასევე ბავშვთა გასართობი ცენტრები 15 სექტემბრის ნაცვლად, პირველი ნოემბრიდან დაიწყებენ ფუნქციონირებას.
09.09.2020 - 10 სექტემბრიდან იუბილეების, ქორწილებისა და ქელეხების გამართვა, როგორც დახურულ, ასევე ღია სივრცეებში იკრძალება - ამის შესახებ, მთავრობის ადმინისტრაციის უფროსმა ნათია მეზვრიშვილმა განაცხადა.
08.09.2020 - სამცხე–ჯავახეთის სახელმწიფო უნივერსიტეტი სწავლის დასაწყებად ნებართვას ელოდება, რამდენი სტუდენტი მიიღო წელს სასწავლებელმა და რა რეკომენდაციების გათვალისწინება მოუწევს კორონავირუსის პრევენციის მიზნით.
08.09.2020 - ახალციხის მეექვსე სკოლის გუნდმა „რეალითი“, მედიის განვითარების ფონდის კონკურსში გაიმარჯვა და "2020 წლის ყველაზე მედიაწიგნიერი სკოლის" ტიტული მოიპოვა. გამარჯვებული გუნდი რაბათის ციხეზე „ფორტ ბოიარდის“ მსგავს თამაშებს გამართავს.
08.09.2020 - ახალციხეში, რამდენიმე ქუჩას მთელი დღის განმავლობაში ელექტროენერგია არ აქვს. „ენერგო-პრო ჯორჯიაში“ აცხადებენ, რომ ავარიული გამორთვაა.
08.09.2020 - დღეს, 8 სექტემბერს ახალციხის მერიამ გერმანიის საერთაშორისო თანამშრომლობის საზოგადოებასთან მემორანდუმი გააფორმა. GIZ–ი რუსთაველის ქუჩაზე, ყოფილ სამხედრო ბაზაზე მდებარე ავარიული შენობების დემონტაჟს დააფინანსებს. ადგილობრივი თვითმმართელობა აღნიშნულ ტერიტორიაზე რეკრეაციული ზონის მოწყობას გეგმავს.
08.09.2020 - ახალქალაქისა და კუმურდოს და კარის მიტროპოლიტი ნიკოლოზ ფაჩუაშვილი ბინებს თბილისში, ჭავჭავაძის გამზირსა და აეროპორტის დასახლებაში ფლობს. გარდა ამისა, იგი არის შპს მხატვრული და დოკუმენტური ფილმების სტუდია „კუმურდოს“ 100%-იანი წილის მფლობელი.
08.09.2020 - არასამთავრობო ორგანიზაცია „სამართლიანი არჩევნების“ წინასაარჩევნო პერიოდის მონიტორინგში ნინოწმინდის მუნიციპალიტეტიც მოხვდა. ანგარიშში წერია, რომ აგვისტოში, ნინოწმინდის მერიაში თანამშრომლები პოლიტიკური ნიშნით მასობრივად გაათავისუფლეს.
08.09.2020 - „სამართლიანი არჩევნებისა და დემოკრატიის საერთაშორისო საზოგადოების“ (ISFED) წინასაარჩევნო მონიტორინგის ანგარიშის მიხედვით, ბოლო ერთ თვეში, ადმინისტრაციული რესურსის სავარაუდო გამოყენების 18 ფაქტი გამოვლინდა.
08.09.2020 - საქართველოს 100 სკოლაში, მათ შორის სამცხე–ჯავახეთში, დისტანციური სწავლების ესტონური მოდელი დაინერგება. პროექტი, რომელიც ორი წლის განმავლობაში გაგრძელდება ესტონეთის მთავრობისა და UNISEF-ის მხარდაჭერით განხორციელდება.
08.09.2020 - ახალქალაქში, კუმურდოს გზაზე მომხდარი ავარიის დროს დაშავებული დედა და ერთი მცირეწლოვანი კლინიკიდან გაწერეს, მეორე ბავშვი კი კვლავ აგრძელებს მკურნალობას.
08.09.2020 - სკოლები ელექტრონული ჟურნალის წარმოებას მიმდინარე წლიდან დაიწყებენ, მომავალი წლიდან კი ციფრული ჟურნალების წარმოება სავალდებულო გახდება. განათლების მინისტრის ბრძანება ცვლილებების შესახებ უკვე ძალაშია.
08.09.2020 - ოთხშაბათობით, ახალციხის რეფერალურ ჰოსპიტალში ექიმები, პაციენტებს უფასო კონსულტაციებს გაუწევენ. გარკვეულ სპეციალისტებთან 50 %–იანი ფასდაკლება მოქმედებს, აღნიშნული აქცია 2020 წლის ბოლომდე გაგრძელდება.
08.09.2020 - გარემოს ეროვნული სააგენტოს ინფორმაციით, სამცხე–ჯავხეთში 12 სექტემბრამდე არამდგრადი ამინდია მოსალოდნელი, სინოპტიკოსები უმეტეს მუნიციპალიტეტში ხანმოკლე წვიმას და ელჭექს ვარაუდობენ.