ახალციხეში ლუდის ბარი გაქურდეს

შემთხვევა დღეს, 1 სექტემბერს, სავრაუდოდ გამთენიისას მოხდა.

"გუშინ ბარი 22:00 საათზე დავკეტე და წავედი, 2.000 ლარი მქონდა დატოვებული და წაიღეს“, –ამბობს ბარის მეპატრონე ზოია ზედგინიძე.

დაზარალებულის თქმით, მძარცველი ბარში კარებიდან შევიდა: "კარებია ნაწვალები, ექსპერტ–კრიმინალისტები იყვნენ და ყველაფერი ნახეს. თანხა საოპერაციოდ ჰქონდა მოგროვებული, სხვა არაფერია წაღებული“.

შსს-ს ინფორმაციით, მომხდარზე ძიება სისხლის სამართლის კოდექსის 177–ე მუხლით დაიწყო, რაც ქურდობას გულისხმობს.

[ვარლამ წიკლაური, ახალციხე]