გედევან ფოფხაძე: 'ძალიან ბევრი მაქვს საზოგადოებისთვის სათქმელი'

ფრაქცია „ქართული ოცნების“ წევრი, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველი მოადგილე გედევან ფოფხაძე, ბორჯომისა და ასპინძის საარჩევნო ოლქის მაჟორიტარობის კანდიდატის რანგში, ამომრჩევლებს დღეს, 7 აგვისტოს წარუდგინეს.

„მიმაჩნია, რომ დიდი პასუხისმგებლობაა ნებისმიერი კანდიდატისთვის, რომელიც უკვე იყო ოლქის მაჟორიტარი, კიდევ ერთხელ იყაროს კენჭი. მე ველოდები იმ ყველაფერის შეფასებას, რასაც ოთხი წლის განმავლობაში ვაკეთებდით ჩვენი რეგიონებისთვის და სრულიად საქართველოსათვის. მე მჯერა, რომ საზოგადოება ამას შეაფასებს ობიექტურად და ვარწმუნებ ხალხს, რომ ეს პროცესი არ გაჩერდება. ეს იქნება მიმართული საქართველოს გაძლიერებისთვის“, – ამბობს გედევან ფოფხაძე.

მაჟორიტარობის კანდიდატი წინასაარჩევნო დაპირებებზე ჯერ არ საუბრობს: „კონკრეტული დაპირებები, წინადადებები და შეთავაზებებები იქნება საარჩევნო პროცესის განმავლობაში, როდესაც იქნება საერთო პროგრამა და ბორჯომთან დაკავშირებული კონკრეტული იდეები და შემოთავაზებები“.

გედევან ფოფხაძე ამბობს, რომ მისი საქმიანობით ბორჯომელი ამომრჩევლები კმაყოფილები არიან.

„ამ ოთხი წლის განმავლობაში, იმ კომიტეტის ფარგლებში, სადაც მე ვიყავი და რასაც ვაკეთებდი, ძალიან ბევრი მაქვს საზოგადოებისთვის სათქმელი. მჯერა, რომ ბორჯომელები კმაყოფილები არიან. მათმა რჩეულმა დეპუტატმა ყველაფერი გააკეთა იმისათის, რომ ადამიანების უფლებების კუთხით ჩვენს ქვეყანაში ყოფილიყო მეტი წინგადადგმული ნაბიჯი და წარმატება“, – ამბობს იგი და იმედოვნებს, რომ მომავალ პარლამენტში დაძაბულ რეჟიმში მუშაობა აღარ მოუწევს, – „ხალხისგან მივიღებთ იმ მხარდაჭერას, რაც მოგვცემს საშუალებას მეტი ენერგია დავუთმოთ არა ოპონიერბას, არამედ საქმის კეთებას კონკრეტული გაადწყვეტილებების მიღებას და ეს მოგვცემს საშუალებას, რომ მეტი დრო დავუთმოთ ხალხს“.

[თინათინ ზაზაძე, ახალციხე]