ახალციხის თემმა სიმბოლიკის შესარჩევი კონკურსი მეორედ გამოაცხადა

ახალციხის მუნციიპალიტეტის საკრებულომ სიმბოლიკის შესარჩევი კონკურსი პირველად 2016 წლის აპრილის თვეში გამოაცხადა. ერთთვიანი ვადის მიუხედავად, კონკურსი ჩაიშლა, რადგან მასში მონაწილეობა არავინ მიიღო.

საკრებულოს დეპუტატები ვარაუდობენ, რომ კონკურსის ჩაშლის მიზეზი ინფორმაციის ნაკლებობა გახდა.

"არსებობენ სოფლებში ადამიანები, რომლებიც ძალიან კარგად ხატავენ, მაგრამ აქ საქმე ინფორმაციის გავრცელებაშია. ვფიქრობ, საზოგადოება ინფორმირებული არ იყო. მუშაობაა საჭიროიმისთვის, რომ შედგეს კონკურსი“, – ამბობს საკრებულოს დეპუტატი "ნაციონალური მოძრაობიდან“ მაკა სუდაძე.

ადგილობრივ თვითმმართველობაში ამბობენ, რომ კონკურსი იქამდე გამოცხადდება, ვიდრე გერბი და დროშა არ შეირჩევა.

"სოფლების წარმომადგნლებმა გავრცელეს ინფორმაცია, გაჟღერდა მედიასაშუალებებითაც, თუმცა, სამწუხაროდ მონაწილეობა არავინ მიიღო“, – განმარტავს საკრებულოს თავმჯდომარის მოადგილე გელა ნოზაძე.

გერბისა და დროშის შესარჩევი დებულების მიხედვით, საკონკურსო ნაშრომი რამდენიმე პრინციპს უნდა აკმაყოფილებდეს:
ჰერალდიკის მემკვიდრეობითობა;
ტერიტორიის ისტორიული მემკვიდრეობა;
ტერიტორიის გეოგრაფიული მდებარეობა;
ადმინისტრაციული ერთეულის მახასიათებელი ისტორიული, ეთნოგრაფიული ან მითოლოგიური ნიშანი.

კონკურსის მონაწილეებმა სიმბოლიკის ფერები და გრაფიკული გამოსახულებები თავად უნდა შაერჩიონ.

კონკურსში გამარჯვებულისათვის დაწესებულია ფულადი ჯილდო, 1250 ლარის ოდენობით.

[თაკო ფეიქრიშვილი, ახალციხე]