ახალციხეში სახლის გაქურდვის ბრალდებით 2 პირი დააკავეს

მომხდარზე 2 პირი დააკავეს, ამათგან ერთი 18 წლის. ორივე მათგანის აღკვეთის ღონისძიების შეფარდებაზე სასამართლომ 2 მარტს იმსჯელა.

ერთ–ერთი ბრალდებული, გირაოს, 10.000 ლარის სანაცვლოდ გაათავისუფლეს. მეორე კი, რომელიც სხვადასხვა დროს, სხვადასხვა დანაშაულზე, 5 გზის ნასამართლევია და ახლაც პირობითი ჰქონდა, პატიმრობაში რჩება.

შეგახსენებთ, ახალციხეში, საცხოვრებელი სახლი, რომელშიც ამჟამად არავინ ცხოვრობს, 19 თებერვალს გაქურდეს. სახლიდან სუვენირები წაიღეს. მომხდარს ახალციხის რაიონული სამმართველო სისხლის სამართის კოდექსის 177–ე მუხლით იძიებს, რაც ქურდობას გულისხმობს და ისჯება ჯარიმით, ან თავისუფლების შეზღუდვით ვადით ერთიდან სამ წლამდე, ანდა თავისუფლების აღკვეთით იმავე ვადით.

[sknews.ge]