ხვალიდან ელექტროენერგიის მიწოდება შეფერხდება

სს ”ენერგო-პრო ჯორჯიას” ახალციხის სერვის-ცენტრის თანამშრომლები, მოსალოდნელი შეზღუდვების შესახებ მეწარმეებსა და დაწესებულებებს ორი დღეა აფრთხილებენ.

25 ოქტომბერს, დღის პირველ ნახევარში, დილის 10.00-დან 14.00 საათამდე ელექტროენერგიის მიწოდება შეუწყდებათ თამარაშვილის, მესხეთის, კოსტავასა და ცხრაა აპრილის ქუჩებს. ასევე, ე.წ. მარდის დასახლებას. ამავე საათებში დენი არ ექნებათ სოფლებს: ღრელს, ანდასა და ანდრიაწმინდას.

დღის მეორე ნახევარში, 14.00-დან 18.00- საათამდე ელექტროენერგია ქალაქის გარე უბნებს შეუწყდებათ, კერძოდ საბარგო სადგურისა და რაბათის დასახლებას. ასევე სოფლებს: კლდეს, წნისს, სხვილისს, ურაველს, ღრელს, დიდ და პატარა პამაჯს.

შეზღუდვები გაგრძელდება 26 ოქტომბერსაც. ამ დღეს 10.00-დან 18.00 საათამდე, გაითიშება ცხრა აპრილისა და ზარზმელის ქუჩები. გამორიცხული არ არის შეფერხება ქალაქის სხვა ქუჩებსაც შეეხოს.

30 ოქტომბერს 12.00-დან 18.00 საათამდე ელექტროენერგიის მიწოდება მხოლოდ ახალციხის რაიონული საავადმყოფოს მიმდებარე ტერიტორიაზე შეწყდება.

31 ოქტომბერს კი 10.00-დან 18.00 საათამდე ელექტროენერგია შეუწყდებათ ქალაქის ნაწილსა და სოფელ ღრელს.

„ენერგო-პრო ჯორჯიას“ ახალციხის სერვის-ცენტრში შეფერხებებს
ქვესადგურ „ახალციხეში“ გეგმიური პროფილაქტიკური სამუშაოებით ხსნიან. მათი განცახდებით, სამუშაოები ოთხ დღეს გასტანს და ამ დროს, პერიოდულად, იმ დასახლებებს შეუწყდებათ ელექტორენერგიის მიწოდება, რომელთა მიმწოდებელი ფიდერებიც გაითიშება. ”ენერგო-პრო ჯორჯიაში” ამბობენ, რომ შესაძლო გათიშვების შესახებ მოსახლეობის გარკვეული ნაწილი და კომერციული ცენტრები ინფორმირებულია.

[ნინო ბერიძე, ახალციხე]