გარე განათების სვეტები, როგორც მაკლერები [Photo]

‘იყიდება სახლი’, ‘ვიბარებ თმებს’, ‘ქირავდება ბინა’, ‘ვკერავ საბნებსა და ლეიბებს’, ,ვეძებ მცხობელს’ – ამ და სხვა შინაარსის განცხადებებს სვეტებზე ახალციხის ქუჩებში ყოველი ფეხის ნაბიჯზე შეხვდებით.

ზოგი განცხადება უკვე ძველია, სიყვითლე შეპარული, ალაგ–ალაგ სიტყვებწაშლილი, ზოგი სულ მთლად ახალი, ჯერ ისევ თეთრი, არც მზისგან და არც წვიმისგან დალაქული ფურცლით. ზოგან, ალბათ სიჩქარისგან, სიტყვებში შეცდომებიც გაჰპარვიათ. ზოგს თავისი განცხადებით სხვისი გადაუფარავს...

დენის სვეტებზე დაკვირებით, მარტივი დასადგენია, ვინ რას ეძებს, ყიდის, ან ყიდულობს, და საერთოდ, რითი ცხოვრობს ქალაქი.

განცხადების ავტორები ცდილობენ პატარა ფურცლებზე დაწერილი ინფორმაციები ხალხმრავალ ადგილებში გააკრან. ალბათ ამიტომაცაა, სვეტები ასფურცელა ქაღალდებით განსაკუთრებით კოსტავას ქუჩაზე რომაა დატვირთული.

















[ნანა მიქელაძე, ახალციხე]