ქრთამის აღების ფაქტზე ბორჯომ-ხარაგაულის ეროვნული პარკის რეინჯერი დააკავეს

საქართველოს ფინანსთა სამინისტროს ინფორმაციით, გამოძიებით დადგენილია, რომ ნიკოლოზ გელაშვილმა მის დაქვემდებარებაში არსებული ბორჯომ-ხარაგაულის ტყის ფონდის ტერიტორიიდან უკანონოდ საშეშე მორის მოჭრის სანაცვლოდ მოქალაქეს მოსთხოვა და გამოართვა 300 ლარი.

„საგამოძიებო სამსახური აგრძელებს გამოძიებას საქართველოს სისხლის სამართლის კოდექსის 338-ე მუხლის პირველი ნაწილით, რაც ითვალისწინებს თავისუფლების აღკვეთას 6-დან 9 წლამდე“, – აცხადებენ საქართველოს ფინანსთა სამინისტროში.

[ნინო ნარიმანიშვილი, ახალციხე]