მზესუმზირის გამყიდველი ერთადერთი ოცნებით [Photo]

4 წელია ანიკო კაზარიანი ცენტრალურ პარკში მზესუმზირას ჰყიდის. ეს მისი შემოსავლის წყაროა...


მისი ყოველი სამუშაო დღე დილის 9:00 საათზე იწყება, იმ იმედით, რომ კარგი ამინდი იქნება და ბევრი კლიენტი ეყოლება.


თუ დღემ კარგად ჩაიარა და მზესუმზირა სრულად გაყიდა, სამუშაო ადგილს გახარებული ტოვებს.


წვიმიან ამინდში არ გამოდის, ეშინია არ გაცივდეს, რადგან სამკურნალოდ არც დრო აქვს და არც სახსრები. ამბობს, რომ ჟურნალისტები ხშირად სტუმრობენ, მის პრობლემებზე საუბრობენ, თუმცა, ამით მის ცხოვრებაში არაფერი იცვლება.


„ზოგჯერ დრო ისე გადის, რომ მავიწყდება პრობლემები, ხალხში საუბრით გართული ვერც კი ვამჩნევ როგორ ღამდება. თუმცა, როდესაც არავინა სჩანს ქუჩაში და არავინ მეკონტაქტება, ცუდ ხასითზე ვდგები და სახლში წასვლაც არ მინდა. იქ არც არავინ მელოდება“.



შვილი და შვილიშვილები რუსეთში ჰყავს. მისი ერთადერთი ოცნებაა, ერთხელაც მზესუმზირის გასაყიდად გამოსული შინ მათთან ერთად დაბრუნდეს..

[ავტორი: მოქალაქე ჟურნალისტი – თეონა თაბუნიძე]