ახალციხელები დედა ენის დღის შესახებ [Video]

მთავარი → SK TV » დღის კითხვა 14.04.2015

14 აპრილს საქართველოში დედა ენის დღე აღინიშნება. ახალციხეში დღევანდელი დღის მნიშვნელობაზე საუბრობენ.

იმის გამო, რომ დღეს ახალციხის საჯარო სკოლებში სწავლა არ იყო, დღევანდელ დღესთან დაკავშირებით ღონისძიებებს ახალციხის მუნიციპალიტეტის გამგეობის კულტურის სამსახური და ცენტრალური ბიბლიოთეკის ხელმძღვანელობა ხვალ, 15 აპრილს გამართავს.

1978 წლის 14 აპრილს საქართველოს მოსახლეობამ, ინტელიგენციის წარმომადგენლებთან ერთად, მასობრივი გამოსვლა მოაწყო და წინ აღუდგა სსრკ-ის ხელისუფლების გადაწყვეტილებას, საქართველოში ქართული ენის, როგორც სახელმწიფო ენის გაუქმების შესახებ.

1978 წლის 14 აპრილს თბილისის სახელმწიფო უნივერსიტეტიდან რუსთაველის გამზირისკენ 15 000-მდე ადამიანი დაიძრა. სტუდენტებსა და ინტელიგენციის წარმომადგენლებს სხვა მოქალაქეებიც შეუერთდნენ და რუსთაველის გამზირზე თითქმის 100 000 ადამიანი შეიკრიბა.
პირველად საბჭოთა კავშირის ისტორიაში, კომუნისტურმა რეჟიმმა უკან დაიხია. ამ დღიდან 14 აპრილი დედაენის დღედ გამოცხადდა.

[მანანა სარაშვილი, ახალციხე]