უაქციზო სიგარეტის გადაზიდვისთვის ახალციხეში ერთი მოქალაქე დააკავეს

შსს-ს ინფორმაციით, სამცხე-ჯავახეთის სამხარეო მთავარი სამმართველოს თანამშრომლებმა, მოქალაქე ახალციხე-ადიგენის ცენტრალურ საავტომობილო გზაზე დააკავეს.

„სამართალდამცველებმა დაკავებულის ავტომანქანის ჩხრეკისას რუსული აქციზური მარკის მქონე, სარეალიზაციოდ გამზადებული, 1500 კოლოფი სიგარეტი „მალბორო“ ამოიღეს, რომლის საბაზრო ღირებულება 4500 ლარს შეადგენს. დაკავებული აღიარებს ჩადენილ დანაშაულს“, - აცხადებენ შსს-ში.

გამოძიება მარკირებას დაქვემდებარებული აქციზური საქონლის აქციზური მარკის გარეშე გადაზიდვა-რეალიზაციის ფაქტზე მიმდინარეობს (საქართველოს სსკ-ის მე-200 მუხლის 1-ლი ნაწილით).

[sknews.ge]