"ნინოწმინდის“ საბაჟოზე არადეკლარირებული სიგარეტი ამოიღეს

შემოსავლების სამსახურის ინფორმაციით, შემთხვევა გუშინ, 13 თებერვალს მოხდა.

"საბაჟო გამშვები პუნქტის, "ნინოწმინდის“, ტერიტორიაზე სომხეთის მხრიდან შემოვიდა სომხეთის მოქალაქე ს. ი., რომლის კუთვნილი ავტომანქანის დათვალიერებისას სპეციალურად მოწყობილ სამალავში მებაჟე ოფიცრებმა აღმოაჩინეს არადეკლარირებული საქონელი, კერძოდ, სიგარეტი „GARNI” 1088 კოლოფი (21760 ღერი. საქონლის საბაჟო ღირებულებამ შეადგინა 1190 ლარი", - აცხადებენ შემოსავლების სამსახურში.

აღიშნულ პირს საქართველოს საგადასახადო კოდექსის 289-ე მუხლის მე-14 ნაწილის შესაბამისად, სანქციის სახით 1000 ლარის ოდენობის ფულადი ჯარიმა შეეფარდა.

[sknews.ge]