მასწავლებლობის მსურველთა გამოცდების შედეგების გამოქვეყნება იწყება

მასწავლებლობის მსურველებს მიღებული ქულების ნახვა, შეფასებისა და გამოცდების ეროვნული ცენტრის ვებგვერდებზე შეუძლიათ: www.naec.ge და online.naec.ge.

შედეგების გაგებას მასწავლებლობის მსურველები მოკლე ტექსტური შეტყობინებითაც შეძლებენ. ამისათვის მათ მობილური ტელეფონიდან (მაგთი, ჯეოსელი) საკუთარი საგამოცდო საიდენტიფიკაციო ნომერი უნდა გააგზავნონ ნომერზე 93333 (მომსახურების საფასური 0.50 ლარი ჩამოიჭრება ანგარიშიდან იმდენჯერ, რამდენჯერაც აბონენტი გააგზავნის შეტყობინებას).

მასწავლებლობის მსურველთა გამოცდების შედეგების გამოქვეყნება მიმდინარე კვირის ბოლომდე დასრულდება, რის შემდეგაც დაიწყება სააპელაციო განაცხადების მიღება.

[sknews.ge]