ვეტერანი მოთხილამურეების დაჯილდოება ®

ვალოდია მურჯიკნელი პირველი თაობის ცნობილი მოთხილამურეა.

რიმა ბანდური სამთო სათხილამურო შეჯიბრებებში, საქართველოსა და საკავშირო ასპარეზობების მრავალგზის პრიზიორი. ასევე, ცნობილ ქართულ ფილმში ,,ყვავილი თოვლზე" ჯულიეტა ვაშაყმაძის დუბლიორია.



ბორჯომის მუნიციპალიტეტის მერის მოვალეობის შემსრულებელი, დავით ზაალიშვილი, კულტურის სამსახურის ხელმძღვანელი მარინა ხუჯაძე და საკრებულოს დეპუტატი თამარ სხირტლაძე, ვეტერან სპორტსმენებს სახლში ესტუმრნენ. დავით ზაალიშვილმა, მათ სამკერდე ორდენთან ერთად საჩუქრები პირადად გადასცა, დიდხანს სიცოცხლე და მხნეობა უსურვა.

,,ვგეგმავდით, რომ ,,საპატიო ბაკურიანელის" დაჯილდოება ღონისძიების ფარგლებში ჩაგვეტარებინა, თუმცა კორონა ვირუსის პანდემით გამოწვეული შეზღუდვების გამო ღონისძიების ჩატარება ვერ შევძელით,"- განაცხადა დავით ზაალიშვილმა.

,,საპატიო ბაკურიანელი" ადგილობრივი მოსახლეობის გამოკითხვით შეირჩა.