როგორია covid 19-ის გავრცელება ასაკის, სქესისა და სიმპტომების მიხედვით საქართველოში

საქართველოში კორონავირუსით ყველაზე მეტი ინფიცირებული 30-59 წლისაა, ყველაზე ნაკლები კი 0-4 წლის. კონკრეტული სტატისტიკური მაჩვენებელი ასე გამოიყურება:

0-4 ასაკობრივი ჯგუფი - 19 ადამიანი
5-14 ასაკობრივი ჯგუფი - 61 ადამიანი
15-19 ასაკობრივი ჯგუფი - 38 ადამიანი
20-29 ასაკობრივი ჯგუფი - 106 ადამიანი
30-59 ასაკობრივი ჯგუფი - 412 ადამიანი
60-69 ასაკობრივი ჯგუფი - 89 ადამიანი
70-79 ასაკობრივი ჯგუფი - 53 ადამიანი
80+ ასაკობრივი ჯგუფი - 22 ადამიანი

COVID-19–ის დადასტურებული შემთხვევების განაწილება სქესის მიხედვით კი ქალებში, კაცებთან შედარებით 2 %-ით მაღალია.
ქალები - 51 %, კაცები - 49%;

სიმპტომებიდან ყველაზე ხშირად ვლინდება:
ცხელება 57.3%
ზოგადი სისუსტე 34.5%
ხველა 24.6%
ყელის ტკივილი 17%
თავის ტკივილი 14.5%
გემოს და ყნოსვის ცვლილება დათვლილია 500 შემთხვევაზე 14.8%
800 შემთხვევიდან, PCR ტესტირების დროს, 88 შემთხვევა იყო ასიმპტომური.
შესაბამისად, უსიმპტომო შემთხვევების პროპორცია იყო 11% .

სიმპტომების ინტენსივობის შესახებ ინფორმაციის მოგროვება პრობლემური აღმოჩნდა 166 შემთხვევაში, რაც გამოწვეული იყო რიგი სუბიექტური და ობიექტური ფაქტორებით, კერძოდ, ენობრივი ბარიერი, გახსენების მიკერძოება, სიმპტომების აღქმის განსხვავებული მიდგომა, სტიგმატიზაცია. აღნიშნული შემთხვევები კონცენტრირებული იყო ქვემო ქართლის რეგიონში და შეადგენდა ამ რეგიონში გამოვლენილი შემთხვევების 58.4%-ს.
მონაცემები დაავადებათა კონტროლისა და საზოგადოებრივი ჯანმრთელობის ეროვნული ცენტრის მეორე ანგარიშშია წარმოდგენილი, სახელწოდებით „საქართველოში ახალი კორონავირუსის მიმდინარეობა“.



[თაკო ფეიქრიშვილი]