ამერიკაში COVID-19–ით ინფიცირებულთა რაოდენობამ მილიონს გადააჭარბა

ფოტო:aa.com.tr

Worldometers-ის 18:20 საათის მონაცემებით, ამერიკაში ინფიცირების ყველაზე მაღალი მაჩვენებელი ფიქსირდება. COVID- 19-ის გავრცელებიდან დღემდე ინფიცირების 1 012 147 შემთხვევაა გამოვლენილი. 139 419 პირი გამოჯანმრთელდა 56 933 კი გარდაიცვალა.

28 აპრილს კორონავირუსის 1 791 ახალი შემთხვევა დაფიქსირდა, გარდაიცვალა 136 ადამიანი.

ევროპის ქვეყნებიდან ინფიცირების მაღალი მაჩვენებელია ესპანეთში. აქ კორონავირუსით 232 128 ადამიანია დაინფიცირებული, გამოჯანმრთელდა 123 903 პირი, გარდაიცვალა – 23 822.

საქართველოს მეზობელი ქვეყნებიდან, ყველაზე მეტი ინფიცირებული ჰყავთ თურქეთში. 112 261–დან გამოჯანმრთელებულია 33 719, ხოლო გარდაცვლილია 2 900 ადამიანი.

საქართველოში ინფიცირებული 511 ადამიანიდან, გამოჯანმრთელდა 156 პაციენტი, გარდაიცვალა ექვსი.

ჯამში მსოფლიოში ვირუსით 3 086 832 ადამიანია ინფიცირებული, აქედან 935 108 გამოჯანმრთელდა, 212 665 კი გარდაიცვალა.

[ნუკა სტეფნაძე]