კორონავირუსისგან გამოჯანმრთელებულთა რაოდენობა 156–მდე გაიზარდა

პირველი საუნივერსიტეტო კლინიკის სამედიცინო პერსონალი, ფოტო: პარლამენტის ეროვნული ბიბლიოთეკა

კორონავირუსის დადასტურებული შემთხვევათა რაოდენობა 497–ია, აქედან გამოჯანმრთელდა 156, გარდაიცვალა ექვსი.

stopcov.ge-ზე გამოქვეყნებული ინფორმაციის თანახმად, კარანტინის რეჟიმშია 5 107 ადამიანი, სტაციონარში მეთვალყურეობის ქვეშ - 534 პირი.
გარდა ამისა, უცხოეთიდან სამკურნალოდ გადმოყვანილია საქართველოს 3 მოქალაქე.

ქვეყანაში კორონავირუსით ინფიცირების პირველი შემთხვევა 2020 წლის 26 თებერვალს გამოვლინდა, ოთხ აპრილს კი ინფიცირებული პაციენტის გარდაცვალების პირველი შემთხვევა დაფიქსირდა.

[sknews.ge]