ახალქალაქში 4 სახლი გაქურდეს

სოფელ კულიკამსა და ხულგუმოში მომხდარი ქურდობების ამბავს jnews.ge ავრცელებს.

სოფელ კულიკამში მერის წარმომადგენლის სერგეი შირინიანის თქმით, 17-დან 20 აპრილის ჩათვლით, მათ სოფელში სამი სახლი გაქურდეს, ხოლო ერთი ქურდობის მცდელობა იყო.

მისი თქმით, ყველა შემთხვევა ე.წ კომენდანტის საათის დროს მოხდა. სახლები ცარიელი იყო, რადგან მეპატრონეები რუსეთში იმყოფებიან.

მეზობლების განცხადებით, 17 აპრილს ქურდებმა სახლიდან ფული და იარაღი წაიღეს.

18 აპრილს ორი სახლში გაქურდეს. როგორც მერის წარმომადგენელი ამბობს, წაღებულია სამზარეულოს ჭურჭელი: ქვაბები და თეფშები.

რაც შეეხება მეოთხე სახლის გაქურდვის მცდელობას, შირინიანის, თქმით მეზობელმა შეამჩნია რომ სახლში შეღწევას უცხო პირები ცდილობდნენ, რომლებიც მალევე გაიქცნენ და გაქურდვა ვეღარ მოასწრეს.

კიდევ ერთი სახლი სოფელ ხულგუმოში გაქურდეს. შემთხვევის შესახებ 20 აპრილს გაიგეს. როგორც სოფელში მერის წარმომადგენლი მოვსეს გიგოლიანი ამბობს, ეს სახლი მის ახლობელს ეკუთვნის, რომელიც უკვე 10-15 წელია რუსეთში ცხოვრობს.

„ჩემი დეიდა ცხოვრობდა. არავინ იცის ზუსტად როდის გაქურდეს. სახლში ისედაც არაფერი იყო. ახლობელი რომ მივიდა სახლის შესამოწმებლად კარი ღია დახვდა და შიგნით რაც იყო თასები თუ პლასტმასის ჭურჭელი დარჩენილი ეგენი იყო წაღებული“, - ამბობს გიგოლიანი.

შინაგან საქმეთა სამინისტროში გვითხრეს, რომ 17 აპრილს გაქურდულ სახლზე გამოძიება სსკ–ის 237 მუხლითაა დაწყებული გამოძიება, რაც ცეცხლსასროლი იარაღის მართლსაწინააღმდეგო დაუფლებას გულისხმობს. სსკ–ის 177–ე მუხლითაა დაწყებული გამოძიება 19 და 20 აპრილის შემთხვევებზე.

რაც შეეხება დანარჩენ შემთხვევებს შსს–ში აცხადებენ, რომ მათთვის არავის მიუმართავთ.

[მარიამ ბარძიმაძე, ახალქალაქი]