ახალციხის ოლქში ოთხ უბანზე დავით ბაქრაძემ გაიმარჯვა

დავით ბაქრაძემ გიორგი მარგველაშვილს N9 ვალეს, N11 ვალეს (მეორე შახტა), N20 სვირის და N34 სხვილისის საარჩევნო უბნებზე აჯობა.

N9 ქალაქ ვალის უბანზე დარეგისტრირებული 1 700 ამომრჩევლიდან არჩევნებში მონაწილეობა 662-მა ადამიანმა მიიღო. „ერთიანი ნაციონალური მოძრაობის“ პრეზიდენტობის კანდიდატმა დავით ბაქრაძემ 325 ხმა მიიღო. კოალიცია „ქართული ოცნების“ პრეზიდენტობის კანდიდატმა კი 278.

N11 ქალაქ ვალის საარჩევნო უბანზე, რომელიც ეგრეთ წოდებულ მეორე შახტის დასახლებაში მდებარეობს, 320 ამომრჩევლიდან არჩევანი 171-მა ამომრჩეველმა გააკეთა. N11 უბანზე დავით ბაქრაძემ 81 ხმა მიიღო, გიორგი მარგველაშვილმა კი 78.

N20 სვირის საარჩევნო უბანზე დარეგისტრირებული 688 ამომრჩევლიდან არჩევნებში მონაწილეობა 385-მა ამომრჩეველმა მიიღო. აქედან დავით ბაქრაძეს 195-მა ამომრჩეველმა დაუჭირა მხარი, მარგველაშვილს კი 130-მა.

N34 სხვილისის საარჩევნო უბანზე დარეგისტრირებული 466 ამომრჩევლიდან არჩევნებში მონაწილეობა 262-მა ამომრჩეველმა მიიღო. დავით ბაქრაძემ 115 ხმა, მარგველაშვილმა კი 98 ხმა მიიღო.

[sknews.ge]