პოლიციამ საგანგებო მდგომარეობის რეჟიმის დარღვევისთვის შვიდი პირი დააჯარიმა

მცხეთა-მთიანეთის, ქვემო ქართლის, სამცხე-ჯავახეთის და აჭარის რეგიონებში თვითიზოლაციის წესების დარღვევის ექვსი ახალი ფაქტი გამოვლინდა.

კახეთის პოლიციამ, საგანგებო მდგომარეობის რეჟიმის დარღვევის ბრალდებით, 3000 ლარით ერთი პირი დააჯარიმა, რომელიც აკრძალვის მიუხედავად მიკროავტობუსით საქალაქთაშორისო მგზავრების გადაყვანას ახორციელებდა.

„ყველა ფიზიკური და იურიდიული პირი ვალდებულია, დაიცვას საგანგებო რეჟიმი, რომლის დარღვევაც გამოიწვევს ადმინისტრაციულ პასუხისმგებლობას, ხოლო განმეორებით ჩადენილი იგივე ქმედება გამოიწვევს სისხლის სამართლის პასუხისმგებლობას“, - აცხადებენ შსს-ში.


[sknews.ge]