6 დეკემბერს კათოლიკე ეკლესია წმინდა ნიკოლოზის ხსენების დღეს აღინიშნავს

არქივი

მესხეთში არსებულ კათოლიკურ ტაძრებში სიმბოლური ტრადიცია ექვს დეკემბერს სრულდება. ეკლესიაში შეკრებილ მორწმუნეებს წმინდა ნიკოლოზი სტუმრობს. წმინდანის როლს ზოგჯერ სასულიერო, ზოგჯერ კი საერო პირი ირგებს. წითელ სამოსში გამოწყობილი სტუმარი, მრევლს ტკბილეულობას ჩუქნის და ახსენებს, ვინ იყო წმინდა ნიკოლოზი, იგივე სანტა კლაუსი.

შობა–ახალი წლისთვის სანტა კლაუსისგან, იგივე წმინდა ნიკოლოზისგან (Santa Claus) საჩუქარს მილიონობით ბავშვი ელოდება, თუმცა რატომ უკავშირდება საჩუქრები ამ წმინდანს, ბევრისთვის უცნობია.

წმ. ნიკოლოზი III-IV საუკუნეში, დღევანდელი თურქეთის ტერიტორიაზე მოღვაწეობდა. იგი 257 წელს დაიბადა ქალაქ პატრაში, საბერძნეთში. იყო ქალაქ მირას (ახლანდელი დემბრე) ეპისკოპოსი. შემდეგში ქრისტიანული ქველმოქმედების სიმბოლოდ იქცა. მას შემდეგ, რაც მდიდარი მშობლებისგან მიიღო მემკვიდრეობა, თავისი ნებით გაჭირვებულებს გაუზიარა.

წმ. ნიკოლოზი 6 დეკემბერს გარდაიცვალა (დაახლოებით 345–352 წწ.), როდესაც ქალაქი მირა არაბებმა აიღეს, იტალიელმა ვაჭრებმა მოახერხეს მისი ნაწილების გატანა.

წმინდა ნიკოლოზი არის მფარველი რამდენიმე ქვეყნის და ქალაქისა, მათ შორის: საბერძნეთის, რუსეთის, ბარის, ანტვერპენის, ბერლინის, მოსკოვის, ნოვგოროდის. ასევე იგი მფარველია: ხელოსნების, მეკონდიტრეების, ვაჭარების, სუნამოს გამყიდველების, მეზღვაურეების, მეწისქვილეების, მეპურეების, ლუდის მხარშავების, მეთევზეების, მოსამართლეების, ნოტარიუსების, პატიმრებისა და შემრიგებელი აღმოსავლეთის და დასავლეთისა.

[sknews.ge]