ბორჯომში ანსამბლ 'ადილეის' კონცერტი გაიმართება

კონცერტი 17:00 საათზე დაიწყება. დასწრება თავისუფალია.

პროექტს ახორციელებს სსიპ საქართველოს ფოლკლორის სახელმწიფო ცენტრი სსიპ შემოქმედებითი საქართველოს მხარდაჭერით.

ფესტივალი 10 ოქტომბრიდან დაიწყო და 30 ოქტომბრამდე თბილისსა და საქართველოს რამდენიმე მუნიციპალიტეტს მოიცავს.

მგალობელ-მომღერალთა გუნდი „ადილეი“ 2012 წლის დეკემბერში ჩამოყალიბდა. პირველად მსმენელის წინაშე კი წარსდგა 2014 წლის გაზაფხულზე და მას შემდეგ აქტიურად ჩაება საკონცერტო მოღვაწეობაში.

„ადილეის“ ჩატარებული აქვს კონცერტები, ვორქშოფები და სემინარები იტალიაში, გერმანიაში, ბელგიასა და ამერიკის შეერთებულ შტატებში.

„ადილეის” გამოცემული აქვს CD ალბომი, ვინილის ფირფიტა და სასწავლო ჩანაწერები.

სახელწოდება „ადილეი“ შეირჩა დასავლური სიმღერებისთვის დამახასიათებელი სამღერისიდან და ზუსტად ესადაგება ანსამბლის რეპერტუარს. გარდა ამისა, „ადილეი“ არის მგზავრული სიმღერა, რომელიც ასოცირდება მოძრაობასთან და წინსწრაფვასთან.

„ადილეის“ რეპერტუარის მთავარი წყარო ძველი ჩანაწერებია.

[sknews.ge]