ორფოლოს პოლიგონზე ხანძარია

ორფოლოს პოლიგონზე ხანძარი დღეს, ექვს აგვისტოს, დღის მეორე ნახევარში გაჩნდა.

ახალციხის მერის წარმომადგენელი სოფელ საყუნეთში გრიგოლ ღამბაშიძე აცხადებს, შემთხვევის ადგილზე მეხანძრები უკვე მუშაობენ.

„აქეთ, საძოვრებისკენ ცეცხლი არ არის გადმოსული, აქრობენ და არც ამის საშიშროება არსებობს“,–გვითხრა გრიგოლ ღამბაშიძემ.

საგანგებო სიტუაციების მართვის სამსახურში განმარტავენ, რომ ტერიტორიაზე სამხედრო წვრთნები მიმდინარეობს და სავარაუდოდ ხანძარიც ამის გამო გაჩნდა.

რა ფართობია ამ ეტაპზე დამწვარი ხანძრისგან, უცნობია.



[ლუბა გიორგაძე, ახალციხე]