ადიგენში საპატიო მოქალაქეები დაასახელეს

26 ივნისს, სოფელ უდეში გამართულ ღონისძიებაზე, საპატიო მოქალაქეების ჯილდო ორ ადგილობრივს მერმა, ზაქარია ენდელაძემ მიანიჭა და მათ მედლები და სიგელები გადასცა.

ანტონ ობოლაშვილი ადგილობრივი ბიზნესმენია, რომელმაც წვლილი შეიტანა უდის ეკლესიის რეაბილიტაციაში; ხოლო ამირან მექვაბიშვილი 1966–1971 წლებში რაიკომის მდივანი იყო.

როგორც ადიგენის მერიაში გვითხრეს, საპატიო მოქალაქეები მერიაში შექმნილმა ჯილდოების მიმნიჭებელმა დროებითმა კომისიამ შეარჩია. ამ ორი კანდიდატის გარდა სხვა არ დასახელებულა.

„კონკურსი არ ყოფილა გამოცხადებული, მერიაში გვყავს ჯილდოების მიმნიჭებელი კომისია. მათ წელიწადში ორჯერ აქვთ უფლება რომ ვინმეს ჯილდო მიანიჭონ. წარდგენილი იყო ეს ორი კანდიდატურა და კომისამ გადაწყვეტილება მიიღო. ანტონ ობოლაშივილი წამროშობით უდიდანაა, ის ბიზნესმენია და ქველმოქმედი. ძალიან ბევრი ადგილობრივი ჰყავს დასაქმებული. უდის მონასტერს რებილიტაცია მისი დახმარებითაც ჩაუტარდა. ამირან მექვაბიშვილი იყო რაიკომის პირველი მდივანი. ადიგენში თუ რაიმე შენობაა აშენებული, მისი დახმარებითაა და დიდი ღვაწლი მიუძღვის,“ – გვითხრეს მერიაში.

მათივე თქმით, ყოველ წელს საპატიო მოქალაქეების არჩევა ტრადიციად ჩამოყალიბდება.

[მარიამ ბარძიმაძე, ადიგენი]