‘ლიკანში გული გამიჩერდა, ძალიან ცუდ დღეშია, არ დაგიმალავთ’–სალომე ზურაბიშვილი

სალომე ზურაბიშვილმა მოსახლეობასთან შეხვედრამდე ბორჯომის პარკი და რამდენიმე ობიექტი დაათვალიერა. შემდეგ კი მოსახლეობას ესაუბრა.

„ბორჯომში ვხედავ, რომ ბევრი სიახლეა, მაგრამ შევედი ლიკანში გული გამიჩერდა, ძალიან ცუდ დღეშია არ დაგიმალავთ, მაგრამ მაჩვენეს რა გეგმებია და არა მხოლოდ გეგმები, გადასულია აღდგენის ფაზაში. სერიოზულად მივხედავ იმ უწყებებთან, რომლებიც არიან ამაზე პასუბისმგებლები. ეს უკვე არის სასიამოვნო, რომ იწყება აღდგენა და ესეც იქნება ამ კუთხითვის, ამ ქალაქისთვის ძალიან მნიშვნელოვანი, მიმზიდველი პუნქტი“, – განაცხადა სალომე ზურაბიშვილმა ბორჯომის კულტურისა და ხელოვნების ცენტრში.

პრეზიდენტის განმარტებით ქვეყანაში პრობლემაა უმუშევრობა, ასევე კვალიფიციური კადრების ნაკლებობა: „ერთის მხრივ მაღალი უმუშევრობა, რის გამოც მიდიან ქვეყიდან ჩვენი მიგრანტები, მეორე მხრივ ძალიან ბევრ ადგილზე ვერ ვპულობთ იმ ადამიანებს, რომელიც ამ ქვეყნის ეკონომიკას და ქვეყანას სიჭრდება, ამიტომ სპეციალისტები უცხოეთიდან შემოდიან. ჩვენ ეს რაღაცნაირად უნდა დავაბალანსოთ , ნაწილობრივ ეს არის ხელისუფლების გასაკეთებელი, რომ კარგად დაგეგმოს და თავის მოსახლეობას უთხრას წინასწარ რა არის ის ეკონომიური პირორიტეტები რომელსაც დასჭირდება მუშა ხელი მომავალ წლებში, მაგრამ ეს არ არს მხოლოდ ხელისუფლების პასუხისმგებლობა, ეს არის ასევე საზოგადოების პრობლემაც“.

უმუშევრობა, დაკეტილი სასტუმროები, მოუწესრიგებელი ინფრასტრუქტურა და მავნებლისგან განადგურებული ტყე – ეს იმ საკითხების არასრული ჩამონათვალია, რომელშიც ბორჯომის მოსახლეობამ პრეზიდენტს დახმარება სთხოვა.

„ჩვენს ქალაქში 10–15 სანატორიუმი მოქმედებდა 100 000 დამსვენებლი ისვენებდა, ახალა ჩვენი კურორტი მხოლოდ ორი–სამი თვით მუშაობს, ამიტომ უმუშევრობის დონე მაღალია, წამყვანი დარგები ძალიან გაჭირვებულ მდგომაროებაშია. ხანძრებმა ზარალი მოგვაყენა, დღემდე ბუნების დაცვის კანონიც არ არსებობს, პარლამენტი ამ კანონის მიღებას აგვიანებს, არადა ბუნების გარეშე ის მნიშვნელობა რაც ჩვენს ქალაქს აქვს დაეკარგება. გარდა ამისა მძიმეწონიანი მანქანები, რომელიც ჩვენს ქალაქზე გადიან აზიანებენ ასფალტს, ასევე გვიქმნიან ეკოლოგიურ პრობლემებს“, – განაცხადა ერთ–ერთმა ადგილობრივმა.

„გაუბედური ტყის გამოტანა ძალიან ძნელი გახდა, იმ ტყის, რომელიც ქერქიჭამის და ლაფანჭამიას მსხვერპლი გახდა, იმდენად რთული, რომ მუნიციპალიტეტი ამას მარტო ვერ მოაგვარებს. ბორჯომი არ იქნება უბრალოდ თუ არ იქნება ტყე. კიდევ ძალიან გთხოვთ, რომ ბოორჯომი, როგორც ბალნეოლოგური კურორტი უნდა აღორძინდეს“, – ამ სიტყვებით მიმართა მარიზა ჯიქიამ პრეზიდენტს.

ადგილობრივებთან შეხვედრა დაახლოებით ნახევარი საათი გაგრძელდა.

„მე ვარ ძალიან ოპტიმისტი და ასეც ვიქნები იმიტომ, რომ ამ ქვეყანას აქვს დიდი პოტენციალი და დიდი შესაძლებობები, ძალიან პატარა ქვეყანა არის და ამდენად ჩვენ გვაქვს შანს, რომ ვიყოთ მოქნილი ქვეყანა და არა რაღაც ჩარჩოებში ჩასმული, მაგრამ ეს ესეც არის დამოკიდებული იმაზე, რომ საზოგადოება ამისთვის იყოს მზად, რომ განვავითაროთ ის რაც არის ყველაზე მთავარი დღევანდელ მსოფლიოში, ყველგან, სადაც არ უნდა ვიყოთ, მიგრანტები თუ აქ დარჩენილი ადამიანები – პირადი ინიციატივის გარეშე არაფერი არ ხდება, სამწუხაროდ ჯერ კიდევ არის ის განწყობა რომ ზემოდან მოვიდეს მითითება, განკარგულება, რჩევა და ამ დროს გადის დრო, და ყველაზე წარმატებულები არიან ისინი, ვინც თავის თავზე იღებენ ინიციატივას“, –განაცხადა შეხვედრაზე სალომე ზურაბიშვილმა.

მისი თქმით, მნიშვნელოვანია, რომ რეგიონში ინფრასტრუქტურული პროექტების განხორციელება მიმდინარეობს, რაც ქვეყნის განვითარებას შეუწყობს ხელს.

„მე ვიყავი აბასთუმანში სასიამოვნოა როცა მიმდინარეობს სრულად აღმშენებლობა პატარა, მაგრამ მნიშვნელოვანი ქალაქის, რომელსაც აქვს ძალიან დიდი პოტენციალი. დარწმუნებული ვარ რომ საქართველოს შემდგომი ეტაპი არის განვითარება, თავისი კურიროტების სამედიცინო და სარეაბილიტაციო ტურიზმის, მაგრამ მოფიქრებული ერთ დიდ სტრატეგიად და არა რალცალკე“.

სალომე ზურაბიშვილი სამცხე–ჯავახეთში ორდღიანი ვიზიტით იმყოფებოდა, გუშინ, 15 ივნისს პრეზიდენტი ადიგენში იმყოფეობდა, დღეს კი ბორჯომში.



[მარიამ ბარძიმაძე, ბორჯომი]