12 მაისს ანდრია მოციქულის ხსენებისა და საქართველოს წილხვდომლობის დღე აღინიშნება

სახარების მიხედვით, წმინდა მოციქული ანდრია პირველწოდებული წმინდა პეტრე მოციქულის ძმა იყო. უფალმა მოციქულთა შორის პირველად ანდრიას მოუწოდა. ამიტომაც მას პირველწოდებული ეწოდა.

მართლმადიდებლური სწავლების მიხედვით, საქართველოში წამოსვლამდე წმ. ანდრიას ღვთისმშობელმა ამცნო, რომ მის წილხვედრ ქვეყანაში უნდა ექადაგა.

წმინდა მოციქული პირველად ქართლის ტერიტორიაზე, დიდაჭარაში შემოვიდა. მას თან ღვთისმშობელ მარიამის მიერ ბოძებული ხელთუქმნელი ღვთისმშობლის ხატი ჰქონდა. წმინდანის საქართელოში შემოსვლის დღედ, 12 მაისს მიიჩნევენ.

საქართველოს პარლამებტის გადაწყვეტლებით კი, 12 მაისი ღვთისმშობლის წილხვდომლობის დღედ გამოცხადდა. პარლამენტმა „შრომის კოდექსში“ ცვლილებები დაამტკიცა, რომლითაც უქმე დღის - 12 მაისის სტატუსი ახლებურად განისაზღვრა.

რიგგარეშე სხდომაზე მესამე მოსმენით მიიღეს პროექტი, რომლის თანახმად, 12 მაისი წმინდა ანდრია მოციქულის ხსენების დღის გარდა, ასევე იქნება ყოვლადწმინდა ღვთისმშობლისადმი საქართველოს წილხვდომილობის დღე - იმედის დღე.

აღნიშნული საკანონმდებლო წინადადება საპატრიარქოს ეკუთვნის და ის პარლამენტს კანონპროექტის სახით მთავრობამ წარუდგინა.
კანონპროექტი მესამე მოსმენით - 96 ხმით მიიღეს.

[sknews.ge]