ექიმი გვირჩევს: გლაუკომა [Video]

მთავარი → სიახლე, SK TV, ექიმი–რადიო 28.02.2019

რა არის გლაუკომა და რატომ უწოდებენ მას ექიმები ვერაგ დაავადებას, საინტერესო რჩევებს ექიმი–ოფთალმოლოგი თამარ გოგოლაძე მოგვცემს.

გლაუკომის სიმპტომები:

► მხედველობის დაბინდვა;
► სინათლის წყაროზე ცქერისას, ცისარტყელის რგოლების გაჩენა;
► დისკომფორტის, თვალის დაღლილობისა და დაძაბულობის შეგრძნება;
► თვალის გარშემო უმნიშვნელო ტკივილები;
► გლაუკომის ზოგიერთი ფორმა პირიქით, მიმდინარეობს ძლიერი ტკივილით;
► იზღუდება ხილვადობის ზონა პერიფერიული მხედველობის დარღვევის გამო.

ვინ არიან გლაუკომის დაავადების რისკ–ჯგუფებში:

► ასაკი(45 წლის შემდეგ);
► გენეტიკური განწყობა;
► შაქრიანი დიაბეტის, ჰიპოთირეოზის,ათეროსკლეროზის, ჰიპერტენზიისა და თვალის სხვადსხვა დაავადება;
► მაღალი ახლომხედველობა;
► მაღალი თვალშიგაწნევა;
► ტრამვა.

როგორ უნდა გავაკეთოთ გლაუკომას პრევენციისათვის:

► იმუშავეთ იმდენი, რამდენის საშუალებასაც ასაკი და ჯანმრთელობის მდგომარეობა გაძლევთ, მოერიდეთ სიმძიმეების აწევას;
► კითხვის, ხაზვის, ქსოვის დროს ნუ დაჯდებით თავდახრილი, მით უმეტეს, არასათანადო განათების პირობებში;
► ტელევიზორს უყურეთ მხოლოდ და მხოლოდ კარგი განათებისას, სწორ პოზაში მჯდომმა - თავი არც დახრილი უნდა გქონდეთ და არც უკან გადაწეული;
► თუ მწეველი ხართ, თავი დაანებეთ თამბაქოს - ნიკოტინი მხედველობას ძლიერ აზიანებს;
► ნუ ატარებთ მოჭერილ ჰალსტუხებს, მჭიდროდ ნუ შეიკრავთ საყელოს - ეს აფერხებს თავსა და კისერში სისხლის მიმოქცევას;
► დიდი მნიშვნელობა აქვს ჯანსაღ ძილს;
► ყოველ 3 თვეში ერთხელ ჩაიტარეთ საკონტროლო გამოკვლევები;
► 40 წელს გადაცილებულმა პირებმა, მხედველობის თუნდაც უმნიშვნელო დისკომფორტისას არ გადადოთ ოფთალმოლოგთან ვიზიტი.

ექიმი გვირჩევს: გლაუკომა [Video]