ახალციხის მერიაში 17 კონკურსანტის შესარჩევად გასაუბრება მიმდინარეობს

მერიაში გასაუბრება ორ დღეს გაგრძელდება. კომისიის წევრებმა კონკურსანტები 17 პოზიციაზე უნდა შეარჩიონ.

„ჩვენი შეკითხვები კონკურსანტების სამართლებრივ მზაობას ეხება, დანარჩენი კი ინდივიდუალურად, აპლიკანტის მზაობას თანამდებობისთვის, რაც ინდივიდუალურია, რადგან ყველა პოზიციას თავის საკვალიფიკაციო მოთხოვნები აქვს,“ – გვითხრა საკონკურსო კომისიის თავმჯდომარემ ილია ზარდიაშვილმა.

გასაუბრება უკვე გაიარა ია კოპაძემ: „კლდის ადმინისტრაციული ერთეულის ასისტენტობაზე მაქვს განაცხადი შემოტანილი, მკითხეს ვიცნობდი თუ არა სოფლის მდგომარეობას, ვიცოდი თუ არა მოსახლეობის შესახებ. ვფიქრობ თავი კარგად გავართვი“.

მერიაში ვაკანტური პოზიციებია:

1. ურაველის ადმინისტრაციულ ერთეულში მერის წარმომადგენლის ასისტენტი;

2. კლდის ადმინისტრაციულ ერთეულში მერის წარმომადგენლის ასისტენტი;

3. უფროსი სპეციალისტი წვევამდელთა აღრიცხვის მომზადებისა და გაწვევის საკითხებში;

4. საზოგადოებასა და მედიასთან ურთიერთობის განყოფილების ხელმძღვანელი;

5. პირველი კატეგორიის უფროსი სპეციალისტი პროექტების მართვის განყოფილებაში;

6. პირველი კატეგორიის უფროსი სპეციალისტი არქიტექტურისა და სივრცითი მოწყობის საკითხებში;

7. პირველი კატეგორიის უფროსი სპეციალისტი მშენებლობისა და რეაბილიტაციის მართვის საკითხებში;

8. მეორე კატეგორიის უფროსი სპეციალისტი, სივრცითი მოწყობისა და კეთილმოწყობის ზედამხედველობის განყოფილებაში;

9. პირველი კატეგორიის უფროსი სპეციალისტი იურიდიულ საკითხებში;

10. სამხედრო აღრიცხვის, გაწვევისა და მობილიზაციის სამსახური ხელმძღვანელი;

11. მერის წარმომადგენელი ქალაქ ახალციხის ადმინისტრაციულ ერთეულში;

12. საორგანიზაციო განყოფილების ხელმძღვანელი;

13. პირველადი სტრუქტურული ერთეულის ზედამხედველობის სამსახურის ხელმძღვანელი;

14. მეორადი სტრუქტურული ერთეულის მშენებლობისა და რეაბილიტაციის ზედამხედველობის განყოფილების ხელმძღვანელი;

15. ზედამხედველობის განყოფილების პირველი კატეგორიის უფროსი სპეციალისტი;

16. სივრცითი მოწყობისა და ინფრასტრუქტურის სამსახურის ხელმძღვანელი;

17. მეორადი სტრუქტურული ერთეულის კულტურისა და განათლების განყოფილების ხელმძღვანელი;

ახალციხის მერიაში საჯარო მოხელეთა შესარჩევ კონკურსზე ყველაზე მეტი განცხადება საზოგადოებასთან და მედიასთან ურთიერთობის განყოფილების ხელმძღვანელის პოზიციაზე, ასევე, საორგანიზაციო განყოფილების ხელმძღვანელისა პოზიციაზე შევიდა.

[ავთო ინასარიძე, ახალციხე]