ასპინძის მერია 'შოთაობისთვის' ემზადება

სახალხო დღესასწაული „შოთაობა 2018“ ვარძიის ისტორიული კომპლექსის მიმდებარე ტერიტორიაზე 29 სექტემბერს გაიმართება. მისი ორგანიზებისათვის ასპინძის თვითმმართველობამ ტენდერი 15 650 ლარზე გამოაცხადა.

დღესასწაულის პროგრამით გათვალისწინებულია:

საზეიმო კონცერტი ადგილობრივი შემოქმედებითი ჯგუფების მონაწილეობით;

გაზეთ "ლიტერატურული მესხეთის" მიერ გამოცხადებულ კონკურსში გამარჯვებული კონკურსანტების დაჯილდოება;

ხალხური რეწვის ოსტატთა, მხატვრებისა და შშმ პირთა ნამუშევრების გამოფენა - გაყიდვა;

მესხური სამზარეულოს გაცნობის მიზნით, ასპინძის მუნიციპალტეტში შემავალი სოფლებიდან, ადგილობრივების მიერ მომზადებული კერძების გამოფენა და დაგემოვნება;

პარალელურ რეჟიმში, სპორტულ ღონისძიებებში: ქართულ ჭიდაობაში, ჯილდაობასა (ქვის აზიდვა) და მაკლავჭიდში შეჯიბრებების გამართვა და გამარჯვებულ სპორტსმენების დაჯილდოება.

დაინტერესებული კომპანიებისათვის, ტენდერში წინადადებების წარდგენის ბოლო ვადა 10 სექტემბერია. ამ დრომდე შეთავაზება არცერთ კომპანიას არ გაუკეთებია. სატენდერო დოკუმენტაციაში მიმწოდებლის მიერ შესასრულებები სამუშოები დეტალურად არის აღწერილი.

[თაკო ფეიქრიშვილი, ასპინძა]