ერთიანი ეროვნული გამოცდები დაიწყო

პირველი გამოცდის პირველი სესიისათვის რეგისტრაცია 08;00 საათზე, გამოცდა კი 09:00 საათზე დაიწყო.

საქართველოს 12 ქალაქში გახსილ 18 საგამოცდო ცენტრში პირველ სესიაზე 10 ათასზე მეტი აბიტურიენტი გაივლის ტესტირებას. საგამოცდო პროცესში ჩართულია 1800-ზე მეტი მეთვალყურე და კურატორი.

დაახლოებით ამდენივე აბიტურიენტია მეორე სესიაზე. მეორე სესიისათვის რეგისტრაცია 14:00 საათზე, გამოცდა კი 15:00 საათზე დაიწყება.

საგამოცდო ცენტრებთან მობილიზებულია სასწრაფო დახმარების სამსახურები. წესრიგს კი საპატრულო პოლიცია უზრუნველყოფს.

2013 წლის ერთიანი ეროვნული გამოცდების ჩატარების განრიგი ასეთია:
27-28 ივნისი (პირველი სესია 8:00 სთ, მეორე სესია 14:00 სთ.) - ქართული ენა და ლიტერატურა
1-2 ივლისი (პირველი სესია 8:00 სთ, მეორე სესია 14:00 სთ.) - ზოგადი უნარები;
3 ივლისი (მეორე სესია 15:00 სთ.) - უცხოური ენა (გერმანული ენა);
3, 4 და 5 ივლისი (მეორე სესია 15:00 სთ.) - უცხოური ენა (ინგლისური ენა);
8 ივლისი (მეორე სესია 15:00 სთ.) - უცხოური ენა - (ფრანგული ენა);
8 ივლისი (მეორე სესია 15:00 სთ.) - უცხოური ენა (რუსული ენა);
9 ივლისი (პირველი სესია 8:00 სთ.) - გეოგრაფია;
10 ივლისი ( პირველი სესია 8:00 სთ.) - ლიტერატურა;
11 ივლისი (პირველი სესია 8:00 სთ, მეორე სესია 14:00 სთ.) - ისტორია;
12 ივლისი (პირველი სესია 8:00 სთ, მეორე სესია 14:00 სთ.) - მათემატიკა;
15 ივლისი (პირველი სესია 8:00 სთ.) - ბიოლოგია;
15 ივლისი (მეორე სესია 14 :00 სთ.) - სტუდენტთა საგრანტო კონკურსი;
16 ივლისი (პირველი სესია 8:00 სთ.) - ქიმია;
17 ივლისი (პირველი სესია 8:00 სთ.) - ფიზიკა.

[sknews.ge]