ნიკოლ ფაშინიანი ჯავახეთში სომხურ დიასპორას შეხვდება

საქართველოში ნიკოლ ფაშინიანს მთავრობის ადმინისტრაციაში საქართველოს პრემიერ მინისტრი გიორგი კვირიკაშვილი, პრეზიდენტი გიორგი მარგველაშვილი და პარლამენტის თავმჯდომარე ირაკლი კობახიძე უმასპინძლებენ. ორი ქვეყნის მთავრობის წევრების მონაწილეობით, გაფართოებული ფორმატის მოლაპარაკებები გაიმართება.

31 მაისს იგი ახალქალაქსა და ნინოწმინდაში სომხური დიასპორის წარმომადგენლებს, ღია ცის ქვეშ, ნინოწმინდის პარკში შეხვდება.

„ჩვენთან ჯერ გზის სავალ ნაწილზე მდებარე სოფლების ფოკის, სათხისა და განძის მცხოვრებლებს შეხვდება და შემდეგ ნინოწმინდაში მოვა“, – ამბობს ნინოწმინდის მუნიციპალიტეტის მერი ანივარდ მოსოიანი.

[მარიამ ბარძიმაძე, ნინოწმინდა]