საგამოცდო ბარათების გაცემა ახალციხეშიც დაიწყო

წელს, პირველად, საგამოცდო ბარათებთან ერთად, აბიტურიენტები საინფორმაციო ბუკლეტებსაც მიიღებენ.

- "ასევე, იმ აბიტურიენტებისთვის, ვინც თბილისში აბარებს, არის სპეიციალური რუკები, სადაც მითითებულია საგამოცდო ადგილები“, - ამბობს ახალციხის საგანმანათლებლო რესურსცენტრის უფროსის მოვალეობის შემსრულებელი დიანა ინასარიძე.

წლევანდელი სკოლადამთავრებულები ბარათებს სკოლებში მიიღებენ. გასულ წლებში დამთავრებულები კი რესურსცენტრში.
დღესვე დაიწყო პედაგოგთა საგამოცდო ბარათების დარიგებაც. ბარათი 344 პედაგოგისთვის ჩამოვიდა.

რაც შეეხებათ მაგისტრანტობის კანდიდატებს და გრანტის გაუმჯობესობის მსურველებს, ისინი საგამოცდო ბარათებს იმ უმაღლეს დაწესებულებაში მიიღებენ, სადაც ამჟამად სწავლობენ.

[ნუკა სტეფნაძე, ახალციხე]