პირველკლასელთა რეგისტრაცია 10 აპრილიდან იწყება

პირველ ეტაპზე, 2018 წლის 10 აპრილიდან 27 აპრილის ჩათვლით, რეგისტრაცია იმ სკოლებში დაიწყება, სადაც მოსწავლის და-ძმა სწავლობს ან მისი მშობელი სკოლის თანამშრომელია.

მეორე ეტაპი, საყოველთაო ელექტრონული რეგისტრაცია, 2018 წლის რვა მაისიდან რვა ივნისის ჩათვლით იწარმოებს. ამ ეტაპზე შესაძლებელი იქნება იმ ბავშვების რეგისტრაცია, ვინც სკოლაში შესვლის ასაკს აკმაყოფილებს, თუმცა პირველ ეტაპზე რეგისტრაცია ვერ გაიარა. ელექტრონული რეგისტარციის გავლა მათ ვებგვერდზე www.emis.ge შეუძლიათ.

რაც შეეხება ბოლო ეტაპს, ამ შემთხვევაში, პირველკლასელთა რეგისტრაცია, პირველი და მეორე ეტაპის დასრულების შემდეგ, გამოთავისუფლებულ ვაკანტურ ადგილებზე მოხდება. მესამე ეტაპზე დარეგისტრირების მსურველები დოკუმენტებს წარადგენენ უშუალოდ სკოლაში მისვლის დროს.

განათლების სამინისტროს ინფორმაციით, 2018–2019 სასწავლო წელს პირველ კლასში მივლენ ის ბავშვებიც, ვინც 16 და 17 სექტემბერს არიან დაბადებულები. 2018 წელს ახალი სასწავლო წელი 17 სექტემრიდან დაიწყება, რადგან 15 სექტემბერი, რომელიც ახალი სასწავლო წლის დაწყების დღედ დადგინდა, დასვენების დღეს ემთხვევა.

[sknews.ge]