ქეთევან დედოფლის წმინდა ნაწილები ახალციხეშია [Photo]

ახალქალაქისა და კუმურდოს ეპარქიიდან ქეთევან დედოფლის წმინდა ნაწილები, დღეს დილიდან ჯერ ასპინძის, ხვილიშას წმინდა გიორგის სახელობის ეკლესიაში, შემდეგ კი ახალციხეში, რაბათის წმინდა მარინეს სახელობის ტაძარში გადმოაბრძანეს.

ქეთევან დედოფლის წმინდა ნაწილების გადმობრძანებასთან დაკავშირებით ტაძარში წირვა–ლოცვა ახალციხისა და ტაო–კლარჯეთის მიტროპოლიტმა მეუფე თეოდორემ აღავლინა.

ახალციხისა და ტაო–კლარჯეთის ეპარქიაში წმინდა ნაწილები 31 ოქტომბრამდე დარჩება, შემდეგ კი აჭარაში გადააბრძანებენ.

სრულიად საქართველოს კათოლიკოს-პატრიარქის ლოცვა-კურთხევით წმინდა ქეთევან დედოფლის წმინდა ნაწილები მთელს საქართველოში მოგზაურობს. ამ დროისთვის სიწმინდე უკვე იმყოფებოდა ქვეყნის 12 ეპარქიაში.

მართლმადიდებლური სამყაროს მიერ წმინდანად აღიარებული დედოფლის ნეშტის ნაწილები 2013 წელს გოაზე ტაძრის ნანგრევებში აღმოაჩინეს.

ქეთევან დედოფლის წმინდა ნაწილები ინდოეთიდან საქართველოში 23 სექტემბერს ჩამოასვენეს.















[ლუბა გიორგაძე, ახალციხე]