ანივარდ მოსოიანი ნინოწმინდის სოფლების მოსახლეობას შეხვდა[R]

პარტია „ქართული ოცნება - დემოკრატიული საქართველოს“ ნინოწმინდის მუნიციპალიტეტის მერობის კანდიდატმა ანივარდ (ანი) მოსოიანმა სოფელ ჯიგრაშენის, მამწვარის, დიდი გონდრიოს, პატარა გონდრიოს, ყულალისისა და დილითის მოსახლეობასთან შეხვედრები გამართა.

მერობის კანდიდატმა მოსახლეობასთან შეხვედრაზე ყურადღება იმ აქტუალურ საკითხებზე გაამახვილა, რომელთა მოგვარებაც ადგილობრივებისთვის პრიორიტულია. ასევე, ისაუბრა მომდევნო წლებში განსახორციელებელ ინფრასტრუქტულურ პროექტებზე.

ადგილობრივებმა ძირითად პრობლემად წყლის, გარე განათების და საგზაო ინფრასტრუქტურის საკითხები დაასახელეს და მერობის კანდიდატს მათ მოგვარებაში დახმარება სთხოვეს.

მოსახლეობის განცხადებით, ასევე, სერიოზულ პრობლემას წარმოადგენს ის, რომ სოფელ ჯიგრაშენში არ ფუნქციონირებს ბაგა-ბაღი.

მოსახლეობასთან შეხვედრას პარლამენტის ახალქალაქი-ნინოწმინდის დეპუტატი ენზელ მკოიანი, ნინიწმინდის საკრებულოს თავმჯდომარე სმბათ კიურეღიანი და ნინოწმინდის საკრებულოს მაჟორიტარი და პარტიული სიით დეპუტატობის კანდიდატები ესწრებოდნენ.

[sknews.ge]