‘ევროპულმა საქართველომ’ ახალციხის მაჟორიტარობის კანდიდატები წარადგინა [Photo/Video]

„ევროპული საქართველოს“ მაჟორიტარი დეპუტატობის კანდიდატებმა, პარტიის ახალციხის რაიონულ ორგანიზაციაში შეკრება დღეს, 20 სექტემბერს, 12:00 საათიდან დაიწყეს.



მაჟორიტარი დეპუტატობის კანდიდატები, ახალციხის მერობის კანდიდატმა ვაჟა ჩიტაშვილმა წარადგინა. მისი თქმით, ნაწილი არჩევნებში კანდიდატის სტატუსით პირველად მონაწილეობს: „კანდიდატები, თავიანთი გამოცდილებით, ავტორიტეტით და სუფთა წარსულის მიხედვით შევარჩიეთ. ვფიქრობთ, რომ არჩევნებს თავს ღირსეულად გაართმევენ და ხალხის ნდობას მოიპოვებენ“.

„ევროპულ საქართველოში“ ამბობენ, რომ დღეიდან კანდიდატებს საარჩევნო ოლქში ოფიციალურდ დაარეგისტრირებენ და აქტიურ საარჩევნო კამპანიასაც დაიწყებენ.

„შეიძლება ითქვას, რომ წინასაარჩევნო კამპანია აქტიურად დავიწყეთ. ძალიან არ მინდა საარჩევნო გარემო ისეთი იყოს, როგორიც 2016 წლის არჩევნების მეორე ტურის დროს იყო, როდესაც ზეწოლები ხდებოდა კანდიდატებზე და ამომრჩევლებზე. მინდა ყველა ადამიანმა თავისუფალი არჩევანი გააკეთოს“, – განაცხადა პარტიის ახალციხის მერობის კანდიდატმა ვაჟა ჩიტაშვილმა.

მაჟორიტარობის კანდიდატები:

ახალციხის პირველი მაჟორიტარული ოლქი – მალხაზ გიქოშვილი;
ახალციხის მეორე მაჟორიტარული ოლქი – ეკა ტატალაშვილი;
ახალციხის მესამე მაჟორიტარული ოლქი – გელა დემეტრაძე;
ვალე – ნუგზარ სამარჯიშვილი;
აგარის თემი – გიორგი ხაჩიძე;
ანდრეაწმინდის თემი – ტარიელ ტაბატაძე;
აწყურის თემი – ფიქრია გელაშვილი;
ელიაწმინდის თემი – მარიამ ჩადუნელი;
კლდის თემი – ზურაბ სადათიერაშვილი;
მინაძის თემი – გიორგი მოთიაშვილი;
პამაჯის თემი – არტურ სოგომონიანი;
საძელის თემი – სააკ პოღოსიანი;
სვირის თემი – სოსო შუბითიძე;
სხვილისის თემი – არუთუნ მაგაკიანი;
ურავლის თემი – კახაბერ მოდებაძე;
ფერსის თემი – გერონტი ჩადუნელი;
წყალთბილის თემი – მინას გრიგორიანი;
წყრუთის თემი – რუბენ კარაპეტიანი.







[ლუბა გიორგაძე, ახალციხე]