აწყვიტაში ეკლესიის გალავნის მშენებლობა სრულდება

ასპინძის მუნიციპალიტეტის გამგებლის მოადგილის, ალექსანდრე პაპაშვილის განცხადებით სოფელ აწყვიტაში იმ გალავნის მშენებლობა, რომელსაც დიდი ხმაური მოყვა, ორ დღეში დასრულდება.

„იმ პროექტის მიხედვით კეთდება ყევალაფერი, რომელიც ეროვნულ სააგენტოსთან იყო შეთანხმებული, სამუშაოები უახლოეს დღეებში დასრულდება“,– ამბობს პაპაშვილი.

დასრულებულ პროექტს კულტურის სამინისტრო ჩაიბარებს. გამგეობაში აცხადებენ, რომ პროექტში ცვლილებების შეტანის გამო ხარჯის ოდენობა არ შეცვლილა.

შეგახსენებთ, რომ სოფელ აწყვიტაში ე.წ. ქუნცის ეკლესიის გალავანს საპატრიარქო ასპინძის მუნიციპალიტეტის გამგეობის დაფინანსებით აკეთებს. მუშაობის პროცესში აქ სავარაუდოდ შუასაუკუნეების სამარხები გადათხარეს, ძვლები კი ჯერ სატვირთო მანქანაზე შეყარეს, შემდეგ კი ნაგავზე გადაყარეს.

აქ მშენებლობა ეროვნულმა სააგენტომ მას შემდეგ შეაჩერა, რაც „სამხრეთის კარიბჭემ“ მომხდარის შესახებ სტატია გამაოქვეყნა.

[sknews.ge]