ბორჯომში ახალი სპორტული მოედანი შენდება

პროექტი საერთაშორისო არაკომერციული ორგანიზაცია „მერსი ქორფსისა“ და კომპანია „IDS ბორჯომის“ ფინანსური მხარდაჭერით, ბორჯომის მუნიციპალიტეტისა და შოტლანდიის ანგუსის საბჭოს პარტნიორობით ხორციელდება.

ბორჯომის გამგეობის ინფორმაციით, სამუშოების მიხედვით, ტერიტორიიდან მოხდა გრუნტის გატანა, მოეწყო რკინა-ბეტონის საფუძველი, ასევე პანდუსი და კიბეები. ამჟამად სტადიონის მიმდებარედ, ასფალტის საფარის დაგება მიმდინარეობს, რის შემდეგ მოეწყობა ბალახის ხელოვნური საფარი.

ნიკოლაძის ქუჩაზე ბავშვთა გასართობი ადგილი არასოდეს ყოფილა, სამუშაოები უახლოეს მომავალში დასრულდება და ბავშვებსაც შესაბამის გარემოში თამაშის საშუალება მიეცემათ.

[sknews.ge]