„ახალციხის ციხესა“ და მუზეუმში მუშაობის განრიგი იცვლება

"ახალციხის ციხესა" და სამცხე–ჯავახეთის ეროვნულ მუზეუმში საღამოს, სამუშაო საათების რაოდენობა იზრდება.

ამ დრომდე, "ახალციხის ციხეზე" მუშაობა დილით 09:00 საათზე იწყებოდა და 19:00 საათზე სრულდებოდა. ახლა კი 19:00 საათის ნაცვლად ციხე 20:00 საათამდე იმუშავებს.

რაც შეეხება ეროვნულ მუზეუმს, აქ შესვლა დილით 10:00 საათიდან 18:00 საათმდე შეიძლებოდა, ახლა კი მუზეუმი საღმოს ციხესთან ერთად 20:00 საათზე დაიკეტება.

"ეროვნულ მუზეუმთან გვქონდა მოლაპარაკებები და ისინიც საღამოს ორი საათით მეტ ხანს იმუშავებენ, დილით კი ისევ 10:00 საათზე გააღებენ მუზეუმს. ორშაბათს კი ტრადიციულად დაისვენებენ, ციხე კი ყოველდღიურ რეჟიმში გააგრძელებს მუშაობას", – აცხადებს "ახალციხის ციხის" დირექტორი ზაზა თამარაშვილი.

მისი თქმით, სამუშაო განრიგი აქტიური ტურისტული სეზონის გამო შეიცვალა და პირველი ოქტომბრიდან მუშაობას ისევ ძველი განრიგით გააგრძელებენ.

[თამუნა უჩიძე, ახალციხე]