ახალციხეში ფოლკლორული ფესტივალი გაიმართა [Photo]

დღეს, 27 მაისს, რეგიონულ ფესტივალს ახალციხემ უმასპინძლა. ცეკვისა და სიმღერის ანსამბლებმა ფოლკლორული ნომრები შეასრულეს და მაყურებელს საკუთარი შესაძლებლობები გააცნეს.

ფესტივალში მონაწილეობა სულ 11 –მა ანსამბლმა მიიღო. ისინი რუსთავიდან, ახმეტიდან, ვანიდან, თბილისიდან, გორიდან, ბორჯომიდან და ასპინძიდან ჩამოვიდნენ. ღონისძიებაში ახალციხიდან მხოლოდ ერთი ანსამბლი "მესხი ფრთოსანი" ჩაერთო.

ფესტივალი შპს "ივერიონი და ქართული ცეკვის ჯგუფის" ორგანიზებით მოეწყო.

"ყოველ წელს ვატარებთ ამ ფესტივალს აქ, ახალციხეში, რადგან ეს ერთ–ერთი უძველესი და ულამაზესი კუთზეა. მოგვწონს ვარძია, რაბათი. თან ვათვალიერებთ და თან ასეთი ღონისძიება გვაქვს", – განმარტავს შპს "ივერიონი და ქართული ცეკვის ჯგუფის" დირექტორი ელისო კაპანაძე.





















[თაკო ფეიქრიშვილი, ახალციხე]