"ხმა სოფლიდან" – როცა მეზობლების იმედად ცხოვრობ [Audio]

53 წლის გიულნაზარ აბგარიანი, 23 წლის შვილთან ერთად, სოფელ განძაში ცხოვრობს. გიულნაზარი ვერ მუშაობს, დედა–შვილს თავი 100–ლარიანი სოციალური დახმარებით გააქვს. ხანდახან , გიულნაზარის შვილი ფერმაში მუშაობს, თუმცა, ოჯახის საცხოვრებლად ეს თანხაც არასაკმარისია.

არც დედას და არც შვილს, ჯანმრთელობის მდგომარეობა ხელს არ უწყობთ და ამიტომ, შინამეურნეობა არ აქვთ. დედა–შვილი უმეტესად მეზობლების დახმარების იმედით ცხოვრობს. გიულნაზარს თანასოფლელებმა შეუგროვეს გასულ წელს ოპერაციის ფულიც, რადგან ადგილობრივი თვითმმართველობა მხოლოდ 260 ლარით დაეხმარა.

დედა–შვილის პრობლემებზე მოისმინეთ სპეციალურად რადიო "სამხრეთის კარიბჭესთვის" ნინოწმინდის რადიო "ნორის" მიერ მომზადებულ რეპორტაჟში.



[sknews.ge]