რას ნიშნავს და ვისთვის იქნება დისტანციური გაკვეთილები

ალექსანდრე ჯეჯელავას შეხვედრა მასწავლებლებთან. ფოტო: © განათლების სამინისტრო

ამ თემაზე განათლების მინისტრმა ალექსანდრე ჯეჯელვამ დღეს, 19 აპრილს, ახალციხეში, მასწავლებლებთან შეხვედრაზე ისაუბრა.

„დავიწყეთ გასული წლის დეკემბერში, ექსპერიმენტის სახით და წელს უკვე მასშტაბი იზრდება. საქართველოს გარეთ ცხოვრობს მილიონობით ქართველი, მათ უნდა მივცეთ საშუალება, ქართული ისწავლონ, მერე ვაპირებთ, ისტორია და გეოგრაფიაც დავამატოთ. არ გვინდა, რომ საქართველოსთან კავშირი დაკარგონ“, – განაცხადა მინისტრმა.

დისტანციურ გაკვეთილებს მასწვლებლები ჩაატარებენ და მათი შრომა ანაზრაურებადი იქნება.

„შევეცდებით, ამ მხარიდან წასული ხალხი, აქაურ მასწავლებლებს მივაბათ. დისტანციური გაკვეთილების დროს არც დავალებაა და არც ნიშანი იწერება. გრძელვადიან პერიოდში, ველოდებით, რომ ამ ყველაფრის შემდეგ პედაგოგის დატვირთვა გაიზრდება. ეს არის არაჩვეულებრივი აღმზრდელობითი საუბრები ბავშვებთან“, – აღნიშნა ალექსანდრე ჯეჯელავამ.

მისი თქმით, მსგავსი ტიპის გაკვეთილების ჩატარება იგეგმება მცირეკონტიგენტიან სკოლებშიც.

[თინათინ ზაზაძე, ახალციხე]