დღეს სომხეთში საპარლამენტო არჩევნები იმართება

სომხეთში პროპორციული სისტემით არჩევნები პირველად იმართება. ამომრჩეველს არჩევანი აქვს: ხმა მისცეს მხოლოდ პოლიტიკურ პარტიას (ბლოკს) ან კიდევ ხმა მისცეს ერთ-ერთ კანდიდატს, რომელიც პარტიას ტერიტორიულ საარჩევნო ოლქში ჰყავს წარდგენილი.

ადგილობრივი დროით 20:00 საათამდე ნებისმიერი სახის აგიტაცია კანონით აკრძალულია.

სომხეთის საპარლამენტო არჩევნებში ხუთი პარტია მონაწილეობს: მმართველი „რესპუბლიკური პარტია“, პარტია „სომხური აღორძინება“, სომხეთის რევოლუციური ფედერაცია „დაშნაკ ცუტუნი“, პარტია „თავისუფალი დემოკრატები“ და სომხეთის „კომუნისტური პარტია“. არჩევნებში ასევე ოთხი ბლოკი მონაწილეობს: ბლოკი „ცარუკიანი“, ბლოკი „გამოსავალი“, ბლოკი „ოგანიანი-რაფი-ოსკანიანი“ და ბლოკი „კონგრესი - ნპა“.

[sknews.ge]