შსს–ს ინფორმაციით, 2016 წელს საქართველოში 35 997 რეგისტრირებული დანაშაული დაფიქსირდა

შინაგან საქმეთა მინისტრის მოადგილემ შალვა ხუციშვილმა, 2016 წლის დანაშაულის სტატისტიკა ჟურნალისტებსა და არასამთავრობო ორგანიზაციების წარმომადგენლებს გააცნო.

უწყების ინფორმაციით, 35 997 რეგისტრირებული დანაშაულიდან 20 661 გაიხსნა, რაც დანაშაულთა 57,4 %-ს შეადგენს.

რაც შეეხება საქართველოში რეგისტრირებულ დანაშაულს, ტერიტორიული განაწილების მიხედვით, დანაშაულთა 40,5 % მოხდა თბილისში, 8,3 % - ქვემო ქართლში, 3,1 % - გურიაში, 10,8 % - აჭარაში, 8,9 % -სამეგრელო-ზემო სვანეთში, 10,5 % - იმერეთში, რაჭა-ლეჩხუმსა და ქვემო სვანეთში, 5,4 % - შიდა ქართლში, 6,5 % - კახეთში, 2,7 % - მცხეთა-მთიანეთში, 0,1 % - აფხაზეთში.



[sknews.ge]