ადიგენის გამგეობამ ახალი თანამშრომლები შეარჩია

როგორც ადიგენის გამგეობის ადმინისტრაციული სამსახურის უფროსი ნონა ჭიჭინაძე განმარტავს, ვაკანტურ პოზიციაზე 6 ახალი თანამშრომლი შეირჩა. ერთი, საზოგადოებასთან ურთიერთობის სამსახურის უკვე ყოფილი სპეციალისტი მამუკა კალანდაძე კულტურის სამსახურში, სპორტის განყოფილებაში გადავიდა. საზოგადოებასთან ურთიერთობის სამსახურში კი, 3 აპრილიდან, დროებით მოვალეობის შესრულებას ეთერ ლობჯანიძე შეუდგება.

„ახალი თანამშრომლები მოვალეობის შესრულებას მომავალი კვირიდან შეუდგებიან, მათ შორის საზოდაოებასთან ურთიერთობის სამსახურის დროებით მოვალეობის შემსრულებელი, სადაც მალე კონკურსს გამოვაცხადებთ“, – გვითხრა ნონა ჭიჭინაძემ.

ადიგენის გამგეობაში გამოცხადებულ საჯარო მოხელეთა კონკურსის შედეგად კი 7 პოზიციაზე დაინიშნენ:

წამყვანი სპეციალისტი არქიტექტურისა და კეთილმოწყობის საკითხებში – სალომე ფარულავა;

მთავარი სპეციალისტი მიწის მართვისა და ადგილობრივი გადასახადების ადმინისტრირების საკითხებში – ვაჟა მერაბიშვილი ;

მთავარი სპეციალისტი სამხედრო აღრიცხვის, გაწვევისა და მობილიზაციის საკითხებში – თამაზ ჩირგაძე;

წამყვანი სპეციალისტი სპორტის საკითხებში – მამუკა კალანდაძე;

წამყვანი სპეციალისტი წერილებთან მუშაობისა და ბრძანებების მომზადების საკითხებში – ლეილა ობოლაშვილი;
წამყვანი სპეციალისტი ტურიზმის საკითხებში – თამუნა ვარდიძე;

გამგებლის წარმომადგენლის თანაშემწე დაბა აბასთუმნის ადმინისტრაციულ ერთეულში – გიორგი ელისაბედაშვილი.

ადიგენის გამგეობაში საჯარო მოხელეთა შესარჩევი კონკურსი 7 პოზიციაზე იყო გამოცხადებული. კონკურსში 99–მა მსურველმა მიიღო მონაწილეობა.

[ლუბა გიორგაძე, ადიგენი]