პირი, რომელიც შენგენის ზონაში ყოფნის წესს დაარღვევს, დაჯარიმდება

საგარეო საქმეთა მინისტრის მიხეილ ჯანელიძის განცხადებით პირს, ჯარიმა ეკისრებათ იმ შემთხვევაში, თუ დაირღვევა ვადები და მოხდება უვიზო რეჟიმის გამოყენება იმისთვის, რისთვისაც დანიშნული არ არის.

“ამიტომ ძალიან მნიშვნელოვანია თითოეული მოქალაქე გაუფრთხილდეს ვადებს. თუ დაირღვევა ვადები და მოხდება დეპორტაცია, ამ შემთხვევაში პირს აეკრძალება 5 წლის ვადით შენგენის ზონაში დაბრუნება. ეს საკმაოდ დიდი სასჯელია, როგორც ფინანსური, ასევე იმ თვალსაზრისით, რომ ვერ დაბრუნდები ევროკავშირში და შენგენის ზონაში“ - ჟურნალისტებთან გამართულ ბრიფინგზე მიხეილ ჯანელიძემ.

შეგახსენებთ, რომ დღეიდან 28 მარტიდან შენგენის ზონაში უვიზოდ მიმოსვლის რეჟიმი ამოქმედდა. უვიზო რეჟიმი გულისხმობს თავისუფალ გადაადგილებას შენგენის ზონის ტერიტორიაზე, რომელიც მოიცავს ევროკავშირის 22 წევრ ქვეყანას, ევროკავშირის 4 არაწევრ ქვეყანას და შენგენის 4 კანდიდატ ქვეყანას. გამონაკლისს წარმოადგენს ევროკავშირის 2 წევრი ქვეყანა: დიდი ბრიტანეთი და ირლანდია, რომლებთანაც სავიზო რეჟიმი შენარჩუნდება.

უვიზო მიმოსვლასთან დაკავშირებით, საქართველოს პრემიერ–მინისტრი მთავრობის წევრებთან, მედიისა და საზოგადოების წარმომადგენლებთან, მეცნიერებთან და მეწარმეებთან ერთად წუხელ ათენსა და ბრიუსელში გაემგზავრა. თბილისისა და ქუთაისის აეროპორტიდან უვიზოდ პირველი ფრენა უკვე განახორციელეს, საქართველოს სხვა მოქალაქეებმაც.

[sknews.ge]