საქართველოს პატრიარქი საქართველოში 20 თებერვალს დაბრუნდება

აღნიშნულ ინფრომაციას პატრიარქის ფონდის ხელმძღვანელი, ლაშა ჟვანია ავრცელებს. მისი თქმით, პატრიარქის სურვილია, რაც შეიძლება მალე დაბრუნდეს საქართველოში.

”სასიამოვნო ინფორმაცია მინდა მოგაწოდოთ. მისი უწმინდესობა საქართველოში ორშაბათს დაბრუნდება. ყველაფერი მიდის კარგად და ამიტომ, ექიმების გადაწყვეტილებაც არის და მისი უწმინდესობის სურვილიც, რომ რაც შეიძლება სწრაფად დაბრუნდეს”, - განაცხადა ჟვანიამ.

შეგახსენებთ, საქართველოს საპატრიარქოს მიერ 9 თებერვალს გავრცელებული განცხადების თანახმად, საქართველოს კათოლიკოს-პატრიარქის კლინიკურ-ლაბორატორიული და ინსტრუმენტული გამოკვლევები ჩაუტარდა. მიღებული მონაცემების საფუძველზე ნაღვლის ბუშტის ქირურგიული მეთოდით მკურნალობის აუცილებლობა დადასტურდა.

პატრიარქი ბერლინში სამკურნალოდ 2 თებერვალს გაემგზავრა. მას ოპერაცია 13 თებერვალს ჩაუტარდა.

[sknews.ge]