'ქართული ოცნების' კანდიდატები შეხვედრებს აგრძელებენ [R]

ბორჯომი

ბორჯომი-ასპინძის მაჟორიტარი დეპუტატობის კანდიდატი გედევან ფოფხაძე ლიკანისა და სოფელ ლიკანის მოსახლეობას შეხვდა.

გედევან ფოფხაძემ ამომრჩევლებს საარჩევნო პროგრამა გააცნო და პარტია "ქართული ოცნების“ მიღწევებზე ისაუბრა - უფასო საბავშო ბაღები, უფასო სასკოლო სახელმძღვანელოები, უფასო ჯანდაცვა, C ჰეპატიტის პროგრამა.

მისივე თქმით, წინა საარჩევნო კამპანია ექსცესების გარეშე მიმდინარეობს, რაც ხელისუფლების დამსახურებაა.

ახალციხე–ადიგენი

„ქართული ოცნება-დემოკრატიული საქართველოს“ ახალციხისა და ადიგენის მაჟორიტარი დეპუტატობის კანდიდატი გიორგი კოპაძე ქალაქ ახალციხეში გორგასლის, მესხეთის, თამარაშვილის N5/N7, თამარაშვილის 31/33, თამარაშვილის ჩიხის და ფაბრიკის დასახლების ამომრჩევლებს შეხვდა.

გიორგი კოპაძემ დეტალურად ისაუბრა ქალაქში დასრულებულ და მიმდინარე ინფრასტრუქტურულ პროექტებზე.

„განხორციელებული ცვლილებებით და პროგრამებით, ჩვენი ქვეყანა სწორი განვითარების გზაზე დგას. „ქართული ოცნების“ მთავარი მონაპოვარი თავისუფლებაა. თვისუფლების გარეშე მდგრადი და განვითარებული ეკონომიკა შეუძლებელია, სწრაფი განვითარებით ჩვენ მივაღწევთ კეთილდღეობას“, - განაცხადა „ქართული ოცნება- დემოკრატიული საქართველოს“ ახალციხისა და ადიგენის მაჟორიტარობის კანდიდატმა გიორგი კოპაძემ.

ნინოწმინდა–ახალქალაქი

ენზელ მკოიანი ამჯერად ახალქალაქის მუნიციპალიტეტის სოფლებში - კარწახი, დადეში, სულდა და ბოზალი იმყოფებოდა.

„ქართული ოცნების“ მაჟორიტარობის კანდიდატმა ისაუბრა "ქართული ოცნების“ საარჩევნო პროგრამაზე, ოთხი წლის განმავლობაში განხორციელებულ პროექტებზე - უფასო სასკოლო სახელმძღვანელოები, უფასო საბავშვო ბაღები, საყოველთაო ჯანდაცვა, თავისუფალი ბიზნესი.

საუბარი იყო მთის კანონზეც, რომლითაც გავთავალისწინებული შეღავათები ახალქალაქისა და ნინოწმინდის მუნიციპალიტეტებზე სრულად ვრცელდება. კანდიდატმა მოსახლეობისგან პრობლემებიც მოისმინა, რაც ძირითადად სოციალურ და ყოფით საკითხებს შეეხებოდა - გზა, სარწყავი წყალი, გარეგანათება, გაზიფიცირება.

"ყველანაირად ვეცდებით, რომ ორ-სამ წელიწადში თქვენ გქონდეთ საბავშვო ბაღი, გზები, მოხდეს სოფლების გაზიფიცირება. მინდა, გჯეროდეთ, ჩემი უმნიშვნელო დაპირება გაცილებით რეალური იქნება, ვიდრე სხვისი გულუხვი შემოთავაზება. მე ვიცნობ თქვენს პრობლემებს, ყველანაირად ვეცდები, რომ ეტაპობრივად მოვაგვაროთ“, - მიმართა ენზელ მკოიანმა ამომრჩევლებს.



[sknews.ge]