22.03.2020 - მსოფლიოს მასშტაბით, 21 მარტის მონაცემებით, კორონავირუსით დაინფიცირების 301 513 შემთხვევა ფიქსირდება, მათგან 94 625 განიკურნა, ხოლო 12 954 გარდაიცვალა.
21.03.2020 - ინფექციური პათოლოგიის და შიდსის ცენტრი, კორინავირუსით ინიფიცრებულ ყველა პაციენტს(გარდა უსიმპტომო ავადმყოფებისა) ჰიდროქსიქლოროქინით (პლაქვენილით) მკურნალობს. კლინიკაში აცხადებენ, რომ კატეგორიულად დაუშვებელია პრეპარატის გამოიყენება დაავადების საპროფილაქტიკოდ.
21.03.2020 - საქართველოს პარლამენტმა საგანგებო მდგომარეობის გამოცხადებას მხარი დაუჭირა. საკანონმდებლო ორგანომ პრეზიდენტისა და პრემიერ-მინისტრის ხელმოწერილი ბრძანება 115 ხმით 2 –ის წინააღმდეგ დაამტკიცა.
21.03.2020 - საქართველოს პრეზიდენტმა "საქართველოს მთელ ტერიტორიაზე საგანგებო მდგომარეობის გამოცხადებასთან დაკავშირებით გასატარებელ ღონისძიებათა შესახებ“ დეკრეტი გამოსცა.
21.03.2020 - საქართველო კორონავირუსის ქვეყნის შიგნით გავრცელების ეტაპზე გადადის, რის გამოც პრემიერ–მინისტრმა საგანგებო მდგომარეობა გამოაცხადა. ნახეთ რა შეზღუდვები იმოქმედებს მომდევნო ერთი თვის განმავლობაში.
21.03.2020 - მთავრობის მიერ შექმნილ ვებგვერდზე, stopcov.ge-ზე არსებული ინფორმაციით, კორონავირუსის შემთხვევები 49-მდე გაიზარდა. დღეს, 21 მარტს ვირუსი ხუთ პაციენტს დაუდგინდა.
21.03.2020 - 21 მარტის მონაცემებით ყველაზე მეტი მოქალაქე თვითიზოლაციაში ახალქალაქში იმყოფება.
21.03.2020 - მთავრობის მიერ შექმნილ ვებგვერდზე, stopcov.ge-ზე არსებული ინფორმაციით, კორონავირუსის შემთხვევები 48-მდე გაიზარდა.
21.03.2020 - საქართველოში საგანგებო მდგომარეობა 21 აპრილამდე გამოცხადდა. საქართველოს პრეზიდენტი, სალომე ზურაბიშვილი შესაბამის დეკრეტს უახლოეს მომავალში გამოსცემს.
21.03.2020 - ახალციხელი ზურა ინასარიძე სოციალურ ქსელში სახალისო ვიდეოს ავრცელებს. ხელოვნების პედაგოგი მოსწავლეებს კორონავირუსის გავრცელების პრევენციის მიზნით, სახლში დარჩენას სიმღერით ურჩევს.
21.03.2020 - სახელმწიფო ინსპექტორის სამსახური საგანმანათლებლო დაწესებულებებს მათ თანამშრომლებსა და მშობლებს მიმართავს, რათა სოციალურ ქსელში არასრუწლოვანთა ონლაინ გაკვთილების ამსახველი ფოტო-ვიდეო მასალის გასაჯაროებას მეტი პასუხისმგებლობით მოეკიდონ.
21.03.2020 - პრემიერ მინისტრმა, გიორგი გახარიამ განაცხადა, რომ მთავრობა მიმართავს პრეზიდენტს, რათა ქვეყნის მასშტაბით 21 აპრილამდე საგანგებო მდგომარეობა გამოცხადდეს.
21.03.2020 - შინაგან საქმეთა სამინისტრომ მიერ დღეს, 21 მარტს გავრცელებული ინფორმაციის მიხედვით, თვითიზოლაციის პირობების დარღვევისთვის კარანტინში იძულებით 39 ადამიანი გადაიყვანა.
21.03.2020 - სომხეთში გასული დღე–ღამის განმავლობაში კორონავირუსის 24 ახალი შემთხვევა დადასტურდა. 21 მარტის მონაცემებით, ქვეყანაში 160 ინფიცირებულია.
21.03.2020 - ცნობილია იმ სავაჭრო ობიექტების ნუსხა, რომლებსაც კორონავირუსის ეპიდემიის მიუხედავად მუშაობა შეუძლიათ. ინფორმაციას სურსათის ეროვნული სააგენტო აქვეყნებს.
21.03.2020 - დღეს, 21 მარტს საქართველოში კორონავირუსის სამი ახალი შემთხვევა გამოვლინდა, ინფიცირებულთა რიცხვი 47-მდე გაიზარდა. ინფორმაცია მთავრობის მიერ შექმნილ სპეციალურ ვებგვერდზე stopcov.ge-ზე გამოქვეყნდა.
20.03.2020 - ვირტუალურ სივრცეში მოწყობილი საკლასო ოთახები და პროცესის ინტერნეტ პლატფორმებით წარმართვა სამცხე-ჯავახეთის ბევრ სკოლაში გამოწვევად რჩება. ახალი რეალობის მორგება პრობლემური აღმოჩნდა, როგორც მასწავლებლების, ასევე მოსწავლეების ნაწილისთვის. უკეთესი მდგომარეობაა ქალაქის სკოლებში, სოფლად კი გამოწვევას უინტერნეტობაც ემატება.
20.03.2020 - კორონავირუსის გავრცელების გამო არაერთ ქვეყანაში გამოცხადდა საგანგებო მდგომარეობა, კარანტინი და შეიზღუდა ადამიანის გარკვეული უფლებები.რა უნდა ვიცოდეთ საგანგებო მდგომარეობის გამოცხადებაზე და როგორია დღევანდელი საერთაშორისო პრაქტიკა
20.03.2020 - ინფექციური საავადმყოფოს სამედიცინო დირექტორის მარინა ეზუგბაიას განცხადებით, კორონავირუსით ინფიცირებული პაციენტების მდგომარეობა დამაკმაყოფილებელია, ამ ეტაპზე საყურადღებოა ოთხი პაციენტის მდგომარეობა, მათთან მოსალოდნელია დაავადების ნებისმიერ ეტაპზე პროგრესირება, გართულება და არაკეთილსაიმედო გამოსავალი.
20.03.2020 - ახალქალაქისა და კუმურდოს მიტროპოლიტი, მეუფე ნიკოლოზი აცხადებს, რომ ზიარების წესში ეჭვის შეტანა გამორიცხულია, რადგან შეუძლებელია ამ დროს ვინმეს ინფექცია გადაედოს. მისი თქმით, კორონავირუსის გავრცელების პრევენციის მიზნით საპატრიარქომ გადაწყვეეტილება მიიღო, რომ ეკლესიებში მსახურების გახმოვანება დაიწყოს.