24.03.2020 - 24 მარტის საღამოს, მას შემდეგ, რაც ქვეყანაში ახალი კორონავირუსით ინფიცირებულთა რიცხვი 249 -მდე გაიზარდა, პრემიერ–მინისტრმა გამკაცრებული საგანგებო რეჟიმი გამოაცხადა - მოქალაქეს, რომელიც ქალაქში გამოვა, უნდა ჰქონდეს მკაფიო ახსნა თუ სად და რატომ მიდის.
24.03.2020 - პოლიციამ ოცზე მეტ მედიასაშუალებაში გამოქვეყნებული სტატიები „პანიკის გამომწვევ ინფორმაციად“ შეაფასა და მათი წაშლა ან რედაქტირება მოითხოვა.
24.03.2020 - ჯანდაცვის მინისტრის მოადგილის, თამარ გაბუნიას განმარტებით, დაავადების პიკი მოსალოდნელია პირველი ინფიცირებულის გამოვლენიდან მეშვიდე ან მერვე კვირაზე, იგი იმედოვნებს, რომ ქვეყანაში გატარებული პრევენციული ღონისძიებებიდან გამომდინარე, შემთხვევების მატება და გამოვლენა იქნება ეტაპობრივი და ნელი.
24.03.2020 - ჯანდაცვის მინისტრის ეკატერინე ტიკარაძის განცხადებით, იმისთვის, რომ რეგიონში ეპიდემიის სწრაფი გავრცელება შეაკავონ, სწრაფი ტესტების გამოყენება მარნეულიდან დაიწყება.
24.03.2020 - ნინოწმინდის სათემო რადიო „ნორი“ ავრცელებს ფოტოებს, თუ როგორ იცავენ რიგს ლიბერთი ბანკთან. კორონავირუსის საფრთხის პრევენციის მიზნით, პოლიცია მოსახლეობას მოუწოდებს, დაიცვან დისტანცია.
24.03.2020 - დღეს, 24 მარტს, ახალქალაქში, სოფელ კარტიკამში ერთმა მოქალაქემ თვითიზოლაციის პირობები დაარღვია. იგი იძულებით კარანტინში გადაიყვანეს.
24.03.2020 - ტექდათვალიერების სერვისი საგანგებო მდგომარეობაშიც იმუშავებს, იმ მძღოლებისთვის კი, ვისაც ტექდათვალიერების ვადა ამოეწურებათ, ვადები გახანგრძლივდება.
24.03.2020 - დაავადებათა კონტროლის ეროვნული ცენტრის, სამცხე-ჯავახეთის განყოფილების ინფორმაციით, რეგიონში თვითიზოლაციაში ყველაზე მეტი – 326 პირი ახალქალაქის მუნიციპალიტეტშია.
24.03.2020 - საქართველოს განათლების სამინისტრო, სასწავლო პროგრამით გათვალისწინებულ გაკვეთილებს ტელევიზიის საშუალებით გადასცემს. ეს დისტანციური სწავლების ერთ-ერთი მეთოდი იქნება. გაკვეთილები ორშაბათიდან პარასკევის ჩათვლით ჩატარდება.
24.03.2020 - ჯანდაცვის მინისტრის მოადგილის ინფორმაციით, ჩინეთიდან სწრაფი ტესტების შემოტანა ეტაპობრივად იწყება, მანამდე კი დაავადებათა კონტროლის ცენტრი განაგრძობს არსებული ტესტების გამოყენებას.
24.03.2020 - როგორია ახალი კორონავირუსის სიმპტომები, როგორ ვრცელდება და როგორ უნდა დავიცვათ თავი. რჩევები მოკლედ:
24.03.2020 - საქართველოში კორონავირუსით ინფიცირების კიდევ ერთი შემთხვევა დადასტურდა. ამ დროისათვის ინფიცირებული პაციენტების რიცხვი 67-ია.
24.03.2020 - საქართველოს პრემიერ-მინისტრის განცხადებით, შესაძლოა სწავლა 21 აპრილსაც ვერ განახლდეს, ამიტომ 30 მარტიდან მოსწავლეებისთვის საზოგადოებრივ მაუწყებელზე გაკვეთილების ტრანსლირება დაიწყება.
24.03.2020 - 24 მარტის დილის მონაცემებით, აზერბაიჯანში კორონავირუსით ინფიცირებული პაციენტებიდან ერთი გაირდაიცვალა, 10 კი გამოჯანმრთელდა.
24.03.2020 - 24 მარტის, დილის მონაცემებით თურქეთში კორონავირუსის ინფიცირების 293 ახალი შემთხვევა გამოვლინდა. ქვეყანაში სულ 1 529 ინფიცირებულია.
24.03.2020 - სომხეთის იმ მოქალაქეებმა, ვინც ამჟამად საქართველოშია, თუმცა სამშობლოში დაბრუნება სურს, სომხეთის საელჩოს დღესვე უნდა მიმართონ. მათ თავიანთი პირადი მონაცემები უწყებას 24 მარტის 12:00-მდე უნდა მიაწოდონ.
24.03.2020 - საქართველოში კორონავირუთ ინფიცირების კიდევ ხუთი შემთხვევა დადასტურდა. ყველა მათგანის ისტორია სხვადასხვა დროს ამერიკაში მოგზაურობას უკავშირდება.
24.03.2020 - 24 მარტის მონაცემებით, სომხეთში ინფიცირების 235 დადასტურებული შემთხვევაა. პნევმონია 26 პაციენტს აქვს.
24.03.2020 - დღეს, 24 მარტს საქართველოში კორონავირუსის ხუთი ახალი შემთხვევა გამოვლინდა, ინფიცირებულთა რიცხვი 66-მდე გაიზარდა. ინფორმაცია მთავრობის მიერ შექმნილ სპეციალურ ვებგვერდზე stopcov.ge-ზე გამოქვეყნდა.
24.03.2020 - ახალი კორონავირუსის პრევენციის მიზნით საჯარო სივრცეში თავშეყრა აიკრძალა. აკრძალვა ეხება, როგორც გარე, ისე შიდა სივრცეებს.